Ka Nupepa Kuokoa, Volume LIV, Number 17, 28 April 1916 — HOOHALAIA HE MANAWA HAUOLI E NA KAMALII [ARTICLE]

HOOHALAIA HE MANAWA HAUOLI E NA KAMALII

Ma ka auwina Ia o ka Poakahi aku la i hala i akoakoa ae ai he heluna nui o na kamalii kula o na lahui like ole. ma ka home o Mr. ame Mrs. Frear, elike me ka laua kono, a hoohala i kekahi manawa ma ka hoohauoli ana ia lakou iho, ma ke olokaa ana i na huamo, elike me ka maa i ka hana mau\ia ma na makahiki i kaahope aku nei. Malaila ae ka pana Hawaii kahi i paani ai ma kela auwina la, pela no hoi ke Kiaaina o ke Teritore ame ka Meia Lane, i hoea pu aku ai no ka hoohanohano ana i kela hana iwaena o na kamalii kula. He mau himeni kekahi i mele ia mai e na kamalii iloko o na manao' oholiia, pela hoi me kekahi mau hana hookahakaha, elike e ka papa hoonohonoho i hoomakaukauia, alaila haawi makanaia mai la kela ame keia keiki e Mr«. Frear me ka pua ame na huamoa, i pena ia me na waihooluu like ole. Mahope iho o ka noke ana o kdla ame keia puulu kamali"i i ke olokaa i na huamoa a .lakou, i paneeia mai ai kekahi mau meaai mania, alaila ha&wi aku la na kamalii i ka lakou mau hoomaikai ana ia Mrs. Fr e ar, ama ka aoao ,hoi o Mrs. Frear, ua panee hou mai la oia i ke kono i na kamalii e hoea hou aku, ke hiki mai ia wa e hoomanaoia ai ke alnhon fln a oka Haku, ma keia makahiki ae.