Ka Nupepa Kuokoa, Volume LIV, Number 19, 12 May 1916 — KUU LEI UA HALA. [ARTICLE]

KUU LEI UA HALA.

E jrr. Lunahooponopono o ke Kuokoa, Alolia oe:—E oluolu mai kou ahonui e uwila ae oe i kela poomanao e kau ae la maluna, ma kekahi walu rumi kaawale o kau pepa, no ka maua lei ua hala, ke ala hoi ole mai, i ike mai ai na kupuna ame ka ohana no apau, e noho ana ma Oahu ame Maui, o Maria Makehakeha Kaukau ua hala. Ua lianau ia oia i lanuan 24, 1916, mailoko mai-o ka puhaka o Rachel K. Tilton ame Jolin K. Kaukau. Ua loaa •oia i ka ma'i i ka Poakolu a haalele mai la i keia ola ana i ke kakahiaka Lapule, Aperila 23, 1916, hora 6 a. m. Ua piha iaia ka ekolu maliina o ka hanu ana i na ea liu'iliu'i. He <Jhrt la 0 ka mailo ana i ka ma'i a haalele mai la'ia maua e paiauma aku i keia rtiea nui la he alolia nona. Ua haalele mai oia he mau kaikunane ekolu ame na kaikuahine elua. Ma ka auwina la Poakahi" i hoolewaia aku ai kona kino lepo, ma ka ilina 0 kona mau kupuna, makai o Honokowai, Kaanapali. Ke haawi aku nei au 1 ko'u mahalo i na hoalolia i launa pu mai me maua. Nolaila elike me- ka olelo a ka Buke 'Nui e hoi no ka lepo i ka lepo, a pela oia i hoi aku la i No na keiki hoonoho liua o ke Kuokoa ko maua welina pau ole. 0 maua iho no na makua i hooneleia i ke keiki. Me ke aloha, MRS. RĀCHEL K. KAUKAU, JOHN. K. KAUKAU, JR. Puukolii Camp, Mei 2, 1916. LONDO, Mei I.—Ua hoopiholoia maloko o na wahi i kaupaleia no ke kaua ka mokualu Pelekane Hendon Hall i liolo mai ai mai Portland, Maine mai, me ka piha ukana he palaoa no ke kokua ana i ka lahui Beljrian pololi, aohe mau ola oluna o ka moku i poino.