Ka Nupepa Kuokoa, Volume LIV, Number 19, 12 May 1916 — PUHIIA I KE AHI NA MOKULELE AMERIKA [ARTICLE]

PUHIIA I KE AHI NA MOKULELE AMERIKA

FORT BHAFTER, Kahauiki ; Mei 7. —I kulike ai me na lono i loaa koke mai nei ianei mai ka mokuna aina Mekiko mai, eono o na mokulele ewalu i hoohanaia ai e na kanaka Amerika maloko o Mekiko, i puhiia i ke ahi ma ke ano he mau mea paahana waiwaiole. O ua mokulele iho elua aia ke hooponopono houia mai la. Oiai na pualikoa Amerika e hoomaha ana i ka nee ana aku imua ua hooholo na aliikoa aole hookahi o na mokulele i koe maloko o Mekiko e hiki e hoolele houia a ua puhiia lakou apau i ke ahi. Ua haalele aku ke Kapena Foulois, nana e hoomalu ana i ka puali o na kanaka lele i ka lewa ia Mekiko, a hoi mai' la me kona mau kanaka,- apau no Columbus, mUluna o na kaa otomobile, a malaila lakou e hoolala, hoolako a e hoomakaukau hou ai i kekahi mau mokulele hou no ka hoohanaia ana aku ma na wahi kiekie loa o Mekiko.