Ka Nupepa Kuokoa, Volume LIV, Number 21, 26 May 1916 — O RYAN ANA PAHA KE KAKAUOLELO A QUINN [ARTICLE]

O RYAN ANA PAHA KE KAKAUOLELO A QUINN

Ma ka Mauna Kea o ka Poaono o ka pule aku nei i hala, i holo aku ai o T. J. Ryan, a i kamaaina i ko ke kulanakauhale nei poe, ma ke ano oia ka lima akau o Likana Eliwai, ma na hana kalaiaina, no Hilo, mamuli o keleahi kauoha i hoounaia mai ma ke kelekalapa uwea ole iaia, ma ka Poalima aku. 0 ka huakai a Mr. Byan i holo aku la no Hilo, i kulike ai me na wa olelo iwaena o na Demokarata, no ka lawe ana ae no ia i ke kulana kakauolelo no ka aha a ka Lunakanawi Kaapuni Quinn o Hilo, ka mea nae nant> i hookahaha inai i na mea i hoike mua ia ae ai i ke akea, no ka hookohuia mai o LouiB Kekumano ma ia kulana. O Louis Kekumano ka mea i holo mua aku no Hilo, mamuli o ke kauoha a ka Lunakanawai Quinn iaia, a huli hoi koke mai no i Honolulu nei, no ka hooponopono ana i kana mau hana maanei nei, mamua o ka lawe ana ae i kona kulana hoii. Ma kela holo ana aku la nae o Mr. Ryan no Hilo, i oiliili ae ai kekahi manao, o laua no me Kekumano ka i makemakeia i mau kakauolelo, no na kulana kakauolelo poo ame kokua kakauolelo. Aole he mea nana e hoole ao i ka makaukau ame ka naauao o Mr. Byan, no kona kupono e lilo i kakauolelo poo, aka nae, he hookahi ona pilikia nui, o ia no kona kuli; ma ko Mr. Kekumano aoao nae, ke kakali aku nei oia o ka loaa mai o ke kauoha iaia mai ia Mr. Quinn mai, no ka holo hou ana aki\ nd Hilo. : :