Ka Nupepa Kuokoa, Volume LIV, Number 23, 9 June 1916 — NA PAPA MA KA HIMENI HOOKUKU. [ARTICLE]

NA PAPA MA KA HIMENI HOOKUKU.

Ke ku nei me ka makaukau loa na Papa ma ka Himeni Hookuku o na Kuia Sabati o na Mokupupi o Oahu, o ia ka papa o ke Kula Sabati o Kawaiahao, ma ka po o ka la 18 elike me ia i hooioli ia, e paio aku ana oia me na papa e ae, no ka iawe ana ae i ka helu ekahi a no ka paio pu ana aku i ko na moku-. puni e ae ma keia kau o ka Aha Paeaina e noho koke mai ana ma Hilo i Veia lune 29, a ke hooia aku nei 0 lawe ana a lilo i ka helu ekahi. Eia nae, ke ku mai nei hoi ka papa 1 wae pono ia o ke Kula Sabati o Kaumakapili a paha iho na lakou ke eo, a e lilo ana ia lakou ka helu ekahi elike me ka ike ame ka makaukau o kona alakai. Aole no i hopo iho ka papa'o ke Kula Sabati o Kalihi, ua makaukau loa oia e kaili mai i ka helu ekahi no ka hanohano o ka Mokupuni o Oahu, a ke aa sku nei i na papa apau ma ka po o ka la 18 e liiki mai ana. No ka papa hoi o Ka I'a Hamauleo nona ka olelo ana "hamau e ka leo, mai walaau oe o makani auanei," eia oia me ka makaukau loa e kula'i i n& papa apau e ku aku ana imua ona, a c hoohamau aku hoi ia lakou. Pehea hoi na keiki o "ka niu haohao o Pokai," e hoea mai ana lakou me ka lakou mau puniu i hele a uli i ka wai, a ma ia po e ike ia ai ka makani moae arae ka poai a ka ua mauka o Mikilua. Mai poina nae i na keiki o ka Ehukai o Puaena, ka mea nana e uhi aku, "po i ka ehu o ke kai," na papa e ae, ua inakaukau loa lakou no ke kaili ana mai i ka hanohano o ka la. Nolaila e ike mai e na papa ma keia hana, aole keia he wahi hana hoomeamea wale iho no, aka, e kui-o ana ka hana, a e paio ana hoi no ka lanakila o kekahi i kekahi. - hooikaika no kn helu ekahi e loaa ana ia oe. He ole*hoi ka lohe pepeiao i na hana 0 keia po le'a o Halalii, aka, o ka ike maka no. ka pono, a i mea nou e ike ai, e kuai iho i na kikiki e hoopuka ia aku nei ma ka lima o na komite o ka mea e hiki aku ana imua ou, a ma na wahi 1 hoomakaukau ia. na ke komite.