Ka Nupepa Kuokoa, Volume LIV, Number 23, 9 June 1916 — HOAA I KA LA O KONA HANAUIA ANA. [ARTICLE]

HOAA I KA LA O KONA HANAUIA ANA.

Ma ka Poalima- o ka pule aku nei i hala, ua hoea aku la kekahi kaikamaliine Pukiki o Miss Melinda G. Medeiros ka inoa, no ke o ka Papa Ola e ninau ai i ka la i hanauia ai oia, a pela hoi me ka o ka mea apiki nae, aole he mea i loaa aku iaia, maloko o ka buke o ka poe hanau, a no -ia kumu i hoopilikia loa ia ai"kona noonoo, no ka maopopō pono ole o kona mau makahiki pololei. v Ma ka olelo a kela kaikamahine Pukiki, he umi-kumamahiku ka nui o kona mau makahiki, a ua hanauia oia ma Kleele, Kauai, koe nae ka maopopo ana. iaia o ka la 'oiaio o ka mahina i lmnauia mai ai oia, a pela hoi me ka'makahiki. Wahi ana, ua make kona mau makua a elua, a aia hoi kona kaikuaank i mare i ke kane ma Amerika, nolaila ua noho pouliuli maoli oia i na mea e pili ana i kona hanauia ana mai. No ka malama mau o kekahi poe i na ahaaina hooinanao no na la hanau o ka lnkou poe keiki, ua ninau okoa mai la ka mea hoopaa i na hanau, ina he paina la hanau kekahi a na makua i mslama ae ai nona, a o kana pane, aole loa he manawa i malama ia ai he ahaaiha, no ke kumu, he nohona nele ko kona mau makua. ke kumu nui o ka makemake loa ana o kela kaikamahine e ikeia ai kona la hanau, mamuli no ia o kona mare aku i kana kane, i hiki.ai iaia ke hoike i kona mau makahiki* oiaio, aole hoi o ke koho no. Ma kekahi manawa aku nei no o ka pule i hala, he kanaka opio kekahi i hele aku e ninau iloko o ka Papa Ola, no kona la i hanauia ai, aole no he loaa, no ka mea. aole no paha i lioikeia aku i ke keena o ka Papa Ola, kona manawa i haeauia ai e na makua; a ua noke oia i ka huli iloko o na keena iiupepa, aole no he maopopo iki, Ua liele oia e huli maloko o ka halepule, no kona manawa i hapetizoia ai. aole no he maopopo iki o k'a manawa i hanauia ai, aka o ka manawa - o ka b'apetizoia ana, ka i paa i ka buke o ka halepule. • ! O ke kumu i ake nui 'ai kela kanaka opio e ike i kona manawa i hanauia ai, no ka lioike ana aku no ia i ka hui inisua, i kona mau makahiki oiaio; he mea | nae keia e a'o aku ana i ka poe o keia au e hele nei, aole he mea maikai ka hoohemahema wale ana i ka manawa e hanau ai o ka lakou mau keiki, aka e hele ae e hoike i ka Papa Ola, he hoomaalahi ana mai ia i na hana ma ka aoai o na keiki, i ko lakou wa e nui ae ai, a imi aku i ko lakou wa i lianauia mai ai. i