Ka Nupepa Kuokoa, Volume LIV, Number 25, 23 June 1916 — UA MAKAUKAU ANEI NA PUALI KIAI LAHUI? [ARTICLE]

UA MAKAUKAU ANEI NA PUALI KIAI LAHUI?

He hana maalahi ka olelo ana ae, eia o Amerika ma ke kulana makaukau i keia nianawa, ma ka hana nae i hiki ole ai ia kakou ke alo ae, mai ka mea oiaio mai, he hookohukohu w&le iho no ia makaukau, elike me na pane i hoounaia ae i ka Peresidena Wilson, mai na mokuaina lehulehu mai, i ka wa ana o ka haawi aua ae i na kauoha, no ka hoouna ana i na pualikoa kiai lahui no Mekiko. # Ua nui na pualikoa kiai lahui i kukuluia ae, ua nui no na kanaka i ma» kaukau e ku aku imua o ka enemi, aka nae, o na makaukau e pono ai ia mau pualikoa, ua hemahema ia, a ua lako pono ole; a ma kekahi olelo ana ae hoi, ua makehewa maoli ka hoao ana aku o Amerika 6 mauna i kona mau koa, e alo aku i na inea o ke kaua, iloko o ke kulana hemahema; a ma keia mea i haule hope loa ai o Amerika e loaa ai ia i haawina a'o, no keia nee ana aku. Ua makaukau anei na puali kiai lahui? Tia no ka pane pokole, aole i makaukau. Ina ua kaa i na pualikoa onā mokuaina ma Amerika ka hemahema, i na makaukau e ku ai imua o ka enemi,- pehea hoi na puali ma Hawaii nei, oiai. he manawa pokole loa ke a'oia ana iho nei, a he poe hoi eia no i na anun mua loa o ka oihana koa; ua oi loa aku ke kupono ole no ke kaua.