Ka Nupepa Kuokoa, Volume LIV, Number 25, 23 June 1916 — UA HALA KA MAUA MEA ALOHA [ARTICLE]

UA HALA KA MAUA MEA ALOHA

Solomon Hanohano, Esq., Aloha oe:— E oluolu kou ahonui e hoike ae i na huapalapala e kau 'ae la maluna, no ka maua mea aloha. Ua hanauia ka maua mea aloha David Kanikao.kai H. Kauhi ma ka la 5 0 Sepatemaba, 1907, ma Aleamai, Hilo, Hawāii, na Mrs. Paupea ame Harlo Kauhi, oiai nae ua'hala'e aku laua ma kela aoao, a ua koe hookahi mai ka maua mea aloha ma keia ola ana. Ma ka Poakahi, la 12 o lune iho nei, hora 7 a. m., i haalele mai ai oia ia maua kona mau makua hanai, me ka naau i moknhia me ka ehaeha, walohia, me ka manaolana poho no ka maua mea aloha he keiki. Nolaila ua piha iaia ewalu makahiki, eiwa malama me eono la ma keia ao, a waiho iho Ia ia maua e paiauma aku me na waimaka, no ka minamina no i ka mea i luhi ai. Ua haawiia no hoi na lapaau ikaika ana ma ka lima o na kauka, aole he mea 1 loaa mai. Eia ka loka' 15:1: "O ke kanaka i lianauia e ka wahine he hapa kona mau la. a ua piha i na popilikia," a no ka niea Nana no i hawi mai a Nana no i lawe aku, e homaikai ia Kona inoa. Maluna ae o na mea apau, e oluolu e lawe aku i ka maua mau homaīkai ana i ka poe apau i laulima pu mai; a pela no hoi ka poe i hoohiwahiwa mai me na poke pua, no ka ilina o ka maua lei aloha. O maua iho no me ka haahaa, LANI KAMA, W. K. HAPUKU, Hilo, Hawaii, lune 14, 1910.