Ka Nupepa Kuokoa, Volume LIV, Number 28, 14 July 1916 — NA KULA AUPUNI O KAKOU MA HAWAII NEI. [ARTICLE]

NA KULA AUPUNI O KAKOU MA HAWAII NEI.

Ma ka hoomaopopo ana i ke kulana o na kula aupuni o kakou iloko o keia manawa, eia ke pii ae nei ma na anuu kiekie, elike me na mea oiaio, e ikeia nei, ma o na haumana la, oloko o kekahi mau kula aur" ni, a makou e manao nei, ua maikai ke ano o ka hooponopono ana o na haawina i keia manawa, a i ole, ua hooikaika maoli palia na kumukula ma ke a'o ana. i na haawina, aole o ka lioopau manawa wale no mā kēkahi mau hana hooikaika kino ano ole. Ina ke a'oia nei na keiki maloko o na kula aupuni, ma na haawina e hiki ai ke kau aku ma na papa kiekie, maloko o kekahi mau kula kiekie ma Hawaii nei. a puka mai me ka lilo o na mea i a'oia ia lakou. i mau mea e kokua ai i ko lakou ola ana aku maloko nei o keia Teritore, alaila ua hiki loa ke oleloia ae. eia i'o na kula aupuni ke hana nei, i na mea i makemakeia aku ai, a ua maikai hoi ke ano o ka lawelaweia ana o ka oihana hoohaauao. O kekahi o na, pilikia nui e hoomaopopoia nei iwaeha o lia keiki, o ka oi loa akn, iwaena o na keiki Hawaii, o ia no ke akenui ole i ka hooikaika ana i ka naauao, a o ka poe hooikaika no, e holomua loa ana lakou, a e ikeia ana. ko lakou akamai a naauao; a ma kekahi ano ke olelo ae, aole rio i kaa ma ka aoao o ka oihana hoonaauao wale no, na ko'iko'i o ka imi ana ae i kekahi mau alahele e maikai ai na kula aupuni o kakou, aka maluna o na haumana kekahi '.ko'iko'i nui. ma ka hoike ana mai i ko lakou makee i ka naauao. O ke kula a'o kumu o kakou ma'Honolulu nei, kekahi wahi pono a na keiki e komo ai, mahope iho o ka loaa ana he mau hoonaauao kuponoia maloko o kekahi mau kula aupuni; no ka mea o kekahi pilikia nui iwaena o na kula aupuni o kakou. o i» no ka loaa ole o na kumu kupono a makaukau ma ke a 'o ana, pela iho la i okoa ia aku ai he mau kumukula mai Amerika mai; aole he manawa e kauohaia ai i mau kumukula mai kahi mamao mai, ina ua hiki i ko kakou mau keiki ponoi iho mai na keikikane a na kaikamahine maanei nei, ke makee i keia oihana ano nui, i pUi i ko kakou lahui iho. O keia kekahi o na oihana ano nui, a makou e hoeueu ikaika aku rfei i na opio. e lilo i mau na lakou e a'o i ko lakou lahui ponoi iho, a e lilo hoi i poe makaainana kupono, e hoike ana i ko lakou hoopomaikai ana ia lakou iho, a i keia Teritore hoi.