Ka Nupepa Kuokoa, Volume LIV, Number 28, 14 July 1916 — MAANEI KA MUA E KOKUA AI MAHOPE OWAHO. [ARTICLE]

MAANEI KA MUA E KOKUA AI MAHOPE OWAHO.

Eia maloko ponoi nei o keia kulanakauhale, he nui a lehulehu walē o na ohana nele a pilikia maoli o ka noho ana, e ikeia no keia poe maloko o na hale hoolimalima loloa, iloko o ke kulana ku rke aloha ke nana aku, a no ko lakou pono, ke hoouna liilii ia nei lakou no ka hoolanalana ana ma Waialua, e hanu aku i na ea oluolu, e hoomaha mai na luhi mai, a e ai hoi i na meaai kupono, e ikaika ai ke kino. O ke dala no ke kokua ana aku i kela poe nele, mai na keiki a na makuahine. ma ka manawalea ana no ia a kekahi poe oloko nei o keia kulanakauhale; eia nae, ma ka hoomaopopo ana i na kokua mai Hawaii aku nei no ka poe pilikia a nele maoli iwaena o na lahui e kaua mai nei, he keu aku ka nui maoli o na dala i puka iwaho, mamua o na kokua no ko kakou poe nele maoli o na lahui like ole e noho nei iwaena o kakou. O ka noho nele ana o kekahi mau ohana, me ke ku a pilikia maoli, aole ia no ko lakou noho uhauha, aka no ka nele i na hana e pono ai; o na loaa liilii i kela ame keia manawa e komo mai ai iloko o ko lakou waihona, aole ia i lawa, no ka hoolilo ana aku i na mea e pono ai ka noho ana, a no keia poe, ka Kapalama Settlement, e haawi nei i na kokua ana ma ka mea hiki, »e ka uwalo aku imua o ka poe nui o ka loaa, a lako o ka noho ana, e haawi aku i na kokua ana ma ka mea hiki. Ua nele a ilihune kekahi poe iwaena o kakou e noho nei, mamuli maoli no ō ka uhauha, ka lilo ma ka piliwaiwai, ame ka inu waiona, no ia poe, na lakou ponoi no i hookomo aku ia lakou iloko o ka pilikia, e pono ai no e a'oia ka poe o kela ano, malia o ka pilikia ka mea nana e koi mai ia lakou, e ao kanaka mai, a e makeo i ka pono o ko lakou mau ohana. :o: He »ea hoohauoli mai i ko kakou manao, ke kikooia ana mai o kekahi haumana i puka pono mai ke Kula Kieitie mai o Hawaii, e hoopiha aku i kekahi kulana ano nui, maloko o kekahi o na hui ma Amerika, ma ke ano kokua enekinia; a ina he nui o ko kakou mau keiki e puka mai ana mai kela kula mai, i loaa. ka ike ame ka makaukau ma kela oihana ike, alaila ua pomaikai kakou, ma o ka hiki ana e loaa he mau kulana no kela poe keiki maloko nei o ka aina, aole hoi e kauka 'i wale aku no, i na malihini e kipa »iai ana i o kakou nei.