Ka Nupepa Kuokoa, Volume LIV, Number 28, 14 July 1916 — HOPUIA HE KAA I PIHA ME KA WAIONA. [ARTICLE]

HOPUIA HE KAA I PIHA ME KA WAIONA.

Ma ka po o ka Poaha, o ka pule aku nei i hala, i paaia ae ai he kaa i piha i ka bia ame na waiona ikaika e ka Hope Loio Kalana Chillingwortb ame ka Lunanana Laikini l'ennell, me ka lawe pu ia ana o na huke apau, o ka hui nana i kuai aku i kela waiona, e na kanaka o ke aupuni. I Wahiawa ka Hope Loio Kalana Chillingworth ame ka Lunanana Laikini Feirnell, ma kela Poaha, no ka noii pono ana i kekahi mau hihia kuai waiona roe ka laikini ole ma kela wahi, a ia laua i huli hoi mai ai t ma ke ahiahi ana iho, ua loaa mai la lie kaa halihali ukana, ua piha i ka bia, he umi-kuma-mawalu kakini, me eha omole ie nunui o na waiona ikaika, e holo aku ana no Wahiawa. Ua hopuia ke kalaiwa nona kela kaa. he Kepani, o Konda kona inoa, a kaa mai la ka waiona malalo o ka malu o nn kanaka o ke aupuni. Ma kā ninau pono ia ana āku ia Konda, i kahi i loaa mai ai o kela waiona, i kuhikuhi ae ai oia, mai ka hui aku o Kong Chung Hun; ia wa i hele okoa aku ai ka Lunanana Laikini Fennell, a paa mai la i iia buke oihana o kela hui. Ua loaa mua no ka ka hoohuoi i ka Lunanana Laikini Fennell, no ke kuai o kela hui i ka waiona, i ka poe kuai waiona me ka laikini ole, akahi nae a hooiaio ia kela hoohuoi ona, ua loaa kekahi mau ike ma kona aoao. 0 kela hka i piha me ka waiona, me ka olelo ia, no kekahi ia o na wahi kuai laikini ole ma Wahiawa.