Ka Nupepa Kuokoa, Volume LIV, Number 29, 21 July 1916 — HAKAKA KA PUALI KOA KIAI LAHUI ME NA MEKIKO POWA. [ARTICLE]

HAKAKA KA PUALI KOA KIAI LAHUI ME NA MEKIKO POWA.

WASHINGTON, lulai 19.—0 ke kaua mua loa i hooukaia mawaena o na koa kiai lahui Amerika ame na Mekiko ua loaa mai ka hoike ianei ma ke aumoe o ka po nei mai £1 Paso mai. Oiai ka na koa o ka Puali L 9 o MajakuBeta e kiai ana ma na wahi e pili ana i ka mokuna aina ua kiia mai la iakou e na Mekiko mai kela aoao mai 0 ka muliwai Rio Grande. Ua panaiia aku ia e na koa kiai lahui ma ke ki ana aku i ka lakou mau pu ma kahi he ekolu haneri i-a ka mamao. Ua hoomau mai la na Mekiko i ke ki ana ahiki i ke ku ana aku o kekahi o lakou a make, a. he lehulehu wale i hoehaia aku e na poka o na pu a na Amcrika. Akahi no lakou a holo aku. Aole hookahi o na koa Amerika 1 hoehaia, a ma ka lono i loaa mai aole lakou i ki iki aku i ka lakou mau pu ahiki i ka makawalu loa ana mai 0 ke ki ana a na Mekiko. He ewalu mau koa o ka pualikoa helewawae o a ia a papaa e ka uwila i ka wa i pa mai ai ka uwila i ka halelole kahi a na koa i moe ai ma ka po nei, ma kahi kokoke aku 1 Nogales. E pau loa ae ana no lakou i ke ola, pela ka lono. E hoakaka ana ka lono kelekaiapa mni Mekiko mai ua hoolahaia ae ka e ke Kenerala Alavro Obregon, ke kuhina kaua o ke aupuni kuikawa o Mekiko, ma ka la i nehinei, ka hoikeia ana aku iaia e hookaawaleia mai ana me ke akahele loa na pualikoa Amerika mailoko mai o Mekiko. Ua.hoike ae oia i ke Kanikela Amerika Rogers no keia hoolaha ana, eia nae, aohe mea iki o ia ano i kamailioia maanei. Ma kahi o ka hanaia mai pela, eia no ke hoomakaukau ia mai nei me ka malie. loa ka hana no ka hui ana aku e kukakuka me na elele mai ke aupuni kuikawa mai o Mekiko, a ma ka la i nehinei ua hoolahaia ae ka hookoliuia ana mai e Carranza o na komiaina no ke kukakuka ana, he mea la iloko o keia mau la iho e hookohuia mai ai na komisina Amerika e liolo aku ana no kela ahakuka.