Ka Nupepa Kuokoa, Volume LIV, Number 30, 28 July 1916 — E NA MAKUA MEA KEIKI. [ARTICLE]

E NA MAKUA MEA KEIKI.

No kela manao iini mau no e makee ana i ke ano maemae o ko kakou noko lahui ana. a no ke akenui ana no hoi e loaa i kela ame keia makua mea keiki e noho mai nei apuni ka aina; na hoomaopopo ana i ke ano noho'na maikaī. pola makou i konoia mai ai e ku mau aku me na a'o ana e hiki afta, a e hoomalamalama mau aku ia kakou Hawaii i mea e paleia aku ai kekahi mahele o na ponalo e hoomailo mau nei i ke ano o ko kakou noho lahui ana. * Ke lawe mai nei makou i keia mau hoaiai ana, mamuli mai o ka loaa ia makou he mau ike maopopo i ke ano o ka malama ana o kekahi poe makua i ka lakou mau keiki. Eia he poe makua me ka lakou mau keiki ma keia kulanakauhale i kupono loa keia oleloa 'o no lakou. a no lakou la makou e kauleo ikaika loa aku iiei e lawe aku i keia mau a?o ana no ko lakou mau pono ame ka pono o ka lakou mau kamalei o na la o ka noho ana o keia mua aku; a i pili pono loa aku hoi i kekahi mahele ano nui-loa a pookela o ko kakou noho'na lahui. I ka makuakane maikai e hele ana i ka hana i kela ame keia la, ua waiho a kuoia i kona home ame kana mau mea aloha he mau keiki malalo o ka malu o kana wahine; a o keia wahine, ka makuahine hoi o keia keiki, mau keiki a pne keiki hoi, oia ponoi ka haku, a maluna o kona mau poohiwi na kahakaha ana, a ua kukuni paaia na kanawai o ka manao, e malama a e aloha oia ia lakou elike me kona aloha iho a oi aku. tia na mea e hana mauia nei a e ikeia nei iwaena o kekahi poe makuahine o kakou na Hawaii: Ma na hora kakahiaka a ke kane e haalele iho ai i ka home ame kona ohana. ua ala pu ae la no me ka wahine, a i ko ke kane hala ana aku no kana haua, ua haalele pu iho la no me ka wahine i ko laua home a hele aku la a ma ko ha 'i ipuka hale ilaila aku la e kualehelehe ai i na mea waiwai ole; oiai no nae, aia no ka laua mau 'ieiki liilii ke moe la ma ka home me ka noonoo oleia aku; a ina he mau ulia poino kekahi e ulu ae ana maloko -o ka home oiai na keiki e moe ana. a o oe hoi eia oe e ka makuahine ma ko ha'i ipuka hale, na■wai e hoopakele i kau mau kamalei? Ina me keia ano hana mau iho la na makuahine o ke kiei mau i ko ha'i ipuka hale, a ua hiki ae malaila na apu, na 010 ame na hue o ka aikipalale, a lalau ka lima, a -pii, a moni, a poholo no na manawa lehulehu, ia wa noho pono iho la na noonoo holo imua, holo ihope, a holo lalau i o a ianei, alaila, auhea iho la ka noonoo maikai i koe iloko no ke kiai a pulama ana i na leialoha iloko o na hora oia la, oiai kau kane aia ke hooikaika mai la i ka wela o ka La o ke Taona no kou pono ame ka pono o ka olua mau mea aloha he keikit E na makuahine o keia ano. Eia ka wa noonoo kanaka makua mai. Eia iloko o na poholima oko oukou ano makuahine ke ola nui o ka lahui. Eia malalo o ka oukou mau hookele naauao ana ka pono o ko 'oukou mau home ame kona maemae ana. O ka oukou mau hana maikai he sila akaa oleia ia no ka noho aloha ana. Ina no paha he uuku ka olua mau wahi loaa ma ka imi ame ka hooikaika ana a kau kane, a i loaa ia oe na manao oiaio no ka hooponopono aha ia olua ame ka olua mau keiki malalo oia wahi loaa uuku; alaila, e ike ana no oe i ka noho mau mai o na mea maikai apau ame ke aloha pu ma ke alahele o ko olua noho honua ana. Hookahi mea nui ma keia kukulu manao ana, oia hoi, e malama i ka oukou mau kamalei; e hoonaauao oe e ka makuahine me ke aloha oiaio ia lakou ma ka home; a pela no hoi ma ka hoonaauao ana ia lakou ma na mea apau e pono ai lakou o ka noho ana aku o na la kanakamakua. E kiai mau oe e ka makuahine no lakou oiai na la o,ko opiopio ana; e hana oe e ka 'makuahine me kou ikaika apau no ko lakou mau pono; a i ko lakou nui ana a loaa ka lakou, aole mea a lakou e hoohalahala ai nou no ka makuahine. Aole no kou hanai wale ana no ia lakou me ka ai ame ka aahu no ko lakou mau kino; aka, no ka ike ame ka naauao honua au i hooika-. ika ai no lakou. E hoomanao mau loa nae oe eka inakuahine i keia: E waiho ia lakou malalo o na hoomalu a hoonaauao ana a ka Haku Kristo leau ame ka nani «lohilohi o kona Euanelio. O keia ka mea oi aku. I kou hana-*ana, e ka makuahine, i keia, e lilo ana oe i punana kahi e hoahuia ai ke aloha o kau mau keiki nou; a iloko o kou māu la palupalu e ike ana oe i na.mea maikai he nui e hauoli ai mai kau mau keiki mai. O keia ke ko ana o ka mahele aka Buke Nui: O ka mea lulu i ka anoano maikai e ai no oia i na mea maikai ana i lulu ai. .- • I Eia na poe naauao keia ao ke hana mau nei i keia, a no ke aha oe e ka makuahine Hawaii e hana ole nei? O keia leo a'o i na makuahine ua pilipaa like aku no ia i na makuakane i loaa aku a i kuluma i keia ano ma'i eepa. Eia ka olelo naauao a kekahi mau lahui, e malama a e hoonaauao aku oje i kau mau keiki, a kanakamakua lako^i,, a huli i ka lakou loaa, na lakou auanei oe e malama mai i kou mau la kanikoo.