Ka Nupepa Kuokoa, Volume LIV, Number 30, 28 July 1916 — KA HOME LEAHI. [ARTICLE]

KA HOME LEAHI.

7** ' ~ Mamuli o na ike ame na hoomaopopo ana i loaa mau mai ia makou mai na poe mai i loaa i na ma'i ko'iko'i, a i hoi aku hoi no ka Home Leahi no ka lapaauia mai, a i malaYna hoi i na rula ame na loina o na lawelaweia ana mai e na kauka ame ke ano o ka noho ana maloko oia home; a i loaa hoi na lanakila maauli mai o ka hoolohe u hooko pololei i na kauoha a ke kauka, a ke hele nei me ka hauoli no ka naiohia ame ka haalele ana mai oia mau pilikia i ko lakou mau kino, elike me kekahi hoike e puka aku nei ma kekahi wahi o keia pepa. Nolaila, ke kau leo ikaika loa aku nei makou i na poe i loaa i na nawaliwali ma ke kino e hoi koke aku no keia home me ka hoohakalia hou ole aku; oiai. o ka wa maikai loa ou e ka mea aea'i ē komo aku ai ilaila, oia no ka wa au e ike iho ai aole i kukonukonu iho na hoomailo ana a ka ma'i maluna ou. I kou hoi koke ana aku a noho maloko o keia home, e maalahi loa ana ka ke kauka lawelawe ana mai ia oe; oiai, aole i aki-paa aku na umii ana a ka ma'i maluna ou; a iloko o na la pokole e ike ana no oe i ka haalele mai o ka pilikia ia oe a o ka pau no ia. Mai hoohala wale i ka manawa «a ke kipulu a hoopalaleha wale i ka imi »na i kou ola oiai ka nawaliwali e hoopuni ana ia oe. E hoopau i kou mau manao maka'u a hana aku i na hana kuluma ona la ona kupuna o kakou. E puluma nui i ke ola oiai eia kakou ke hoopuniia nei me na nohona ano hou o keia au holomua e nee nei. § ... 4 .