Ka Nupepa Kuokoa, Volume LIV, Number 30, 28 July 1916 — Nuhou Kuloko [ARTICLE]

Nuhou Kuloko

No ke komo loa o ka waa Nupepa Kuokoa i keia kelepa, e hoomanawanui niai ka poe no lakou na manao i puka ole aku a nei kelepa ae. Mahope iho o ka hoomaha ana no na pule elua, e hoi mai ana ka lunahooponopono o .keia pepa ma kona pakaukau ma keia Poakahi ae. Ma keia pule iho la ka noho ana o ka halawai makahiki & ka Hoomana Naauao maloko o ko lakou luakini ke Alaula o ka Malamalama. He Pukiki, he oihana kamana kana', 0 Joaquin da Silva Cabral ka inoa, ka mea i piholo mai nei ma Waimea, Kauai, a make oiai oia e auau ana. O na Mea Hanohano Baldwin ame Waiaholo ke holo moho senatoa mai ana i keia kau koho baloka, no Maui, ma ka aoao Repubalika i keia kau. H,e ma'i nawaliwali loa ko ka Meia mua a lunapaahao kalana hoi i keia manawa Jos. J. Fern i na la aku la i hala, a ma ka lono nae i hoikeia mai ua oluolu iki ae ka. He kanaka Hawaii o Meheula ka inoa ka mea i loaa aku i kekahi o na makai e waiho mai ana iloko o ka pa papa ma ke Sabati iho nei, ua make mamuli o ka ona. O ke keikikane a ka Makaikiu Pake P. Akana, ka i haule mailuna iho o ke kumulaau manako ma ka auwina la Poalua nei a waawaa ke poo; aia oia iloko o ka Halema'i Moiwahine e lapaauia mai la. Ua apono ke Komisina Aina Rivenburgh i ka wehe ana i alanui no na aina hoekuonoono ma Waiakoa, Hilo, a ma ka Poalua nei ka hoike ana mai 1 ka luna o na hana hou o ke aupuni W. C. Woodward. O ka hui hana hao wale no ka a Cattoa Neill & Co. ka i waiho ae i ke koho imua o ka papa lunakiai no ka hana ana i laina uwea uwila no ke alanui Ala Moana, he $1000 kana koha no 3750 kapuai uwea keleawe. 0 ka hoopii koi poho a Wm. Green he $10,500 e ku-e ana i ka Hui Mokuahi Matson Navigation Co. no kona eha ana, ua hoopau wale ia mai e ka aha hookolokolo federala no ka lawa ole o kana hooiaio ana i kona eha. j Ma ke kakahiaka Sabati aku la i hala i pauaho mai ai o Mrs. Georgc K. Kane i keia ola ana ma ke alanui Moiwahine, a keia pule ae e hoopukaia aku ai na mea e pili ana i kona ola ana, a pela me na hoomaikai i na makamaka ame na hoaloha. Eia no na alakai o ke Grand 01d Party oloko iho nei o ke kulanakauhale ke pahonohono nui mai nei no i na wahi i ikeia aku ke ano apulu mai. Oia, pahonohonoia mai a hinuhinu i nani ai ka ike aku a na maka. Pehea ana na Demokarata, e hakaka ana no aneil Eia i Honolulu nei o Rev. George E. Lake o ka apana o Hana, a ua hiki aku oia ma ke keena o ke komiaina o na aina aupuni no ka hooponopono ana ma ko ka Papa Hawaii aoao, no na mea e pili ana i kekahi apana aina auhe pa ilina e pili pu la me ko ka Ekaleaia ma Wananalua, Hana, Maui. 1 ke kulanakauhale iho nei ka Lunakiai Joseph N. Uahinui o Molokai, Kalana o Maui, a ma ka Mikahala o ka Poalua aku la, i huli hoi aku ai no kona aina kaulana i ke alakahi, a o ka makanaka hoi o Molokai no ka poe e kipa aku ana ma ia ainā. He maikai ke ola kino o ua lunakiai la. Ma ka hihia a ke Teritore ku-e i ka Hui Kaauwila, ua hoopuka mai ka aha kiekie i ka olelo hooholo no ka pono o ka hui kaa. Ma o keia olelo hooholo la eia keia hui kaa ke hoomakaukau mai nei i na hana no ka hoopalahalaha loa anla aku i kahi a kona mau alahao e hoomoe hou ia aku ai; elike me na mea a ia hui i hoolala mua ai i kinohi mamua ae 'o ka oili ana mai o keia hihia ae la. O James Woods, kekahi o na haole i kamaaina loa ma ka lawelawe ana i ka oihana kukulu hotele maloko o Kapalakiko, ua hoi aku oia no kona kulanakauhale i keia mau la iho la; a e hoi hou mai ana no ka ma kahi wa o keia mua iho, no ke kukulu ana i kekahi hotele ma Honolulu nei. Aole i maopopo loa i ko Honolulu nei poe kahi a keia haole e kukulu aku ai i kona hotele; eia nae, ua manao wale ia no e kukuiuia aku ana mawaho ae nei o Waikiki, ma kahi kokoke i kahi e ku nei ka Hotele Moana.