Ka Nupepa Kuokoa, Volume LIV, Number 32, 11 August 1916 — Nuhou Kuloko [ARTICLE]

Nuhou Kuloko

No kekahi mau hana pili aina ma Waimea, Kauai, e holo aku ana o Mr. A. E. Kahele ma ke Kinau o keia Poalua ae. Ua hoopaneeia mai ka hoolohe ana i ka hihia o ke Kepani nana i ki ae i ka hulipahu oluna o Maui a make, a keia kakahiaka Poalima. Ma ke ahiihi o ka Poaono, Augate 19, e malama ae ana ka aoao Demokārata he halawai makaainana nui malalo ae nei o Aaia Paka. Nui na halekula hou e kukuluia mai nei i keia mauawa, a ke hoohalahala mai nei ka poe pulumi halekula i ka nui loa o ka lakou hana me ka mau no o ko lakou uku »i\i'a. Eia no ke waiho hakahaka nei ke kulana i waihoia iho e ka Lunakānawai Kaapuni Stewart Ma na mea i hoomaopopoia, aole oia e huli hoi hon māi ana no Hawaii nei.. Aole i maopopo ka holo moho elele. lahui 0 Likana i keia kāii, a ma na mea i hoikeia mai i keia keena, mai kekahi mai o na Demokarata, e alūalu ai\a oia. i ke kulana senatoa. 1 No ka lawelawe ana aku i ka oihana hooiaio palapāla ma ke ano he notefi ka lehulehu, ua hookohu ae nei ka loio kuhina ia W. J. Coelho oloko o ke keena aina, no Oahu n(?i. Mamuii o ke koikoi ame kn makomake o kona mau hoaloha e holo moho ana ka Loio Andrews no ka uule o no lunamakaainana, ma ka aoao Repubalika, i keia kau koho baloka wae moho. Ma ka Wilhelmina o ka Poakolu <iei i hala aku ai ka Lunakanawai Whitney no Amerika, no ka hoomaha ana, a e kaa aku ana na hana oloko o kana aha i ka Lunakanawai Ashford. Ma.keia Sabati iho e malamaia ae ai ka hoolewa 0 Oliwa W. Paakahili mai ka hale waiho kupapau aku o Silva, malalo o ka hooponopono ana a ka Ahahui Kokua.ame Manawale'a o na Poola. Iwaena o kekahi poe e loheloheia nei, no ka holo moho ana mai ma ka aoao Hepuhalika no ka haje o na lunamakaainana, o J. H. Hakuole, W. E. Hall ame A. E. Kahele kekahi no ka apana elima. No ka malama ole i kona ola i hookomo aku ai o Mr»- W. C. Luke, a i ikeia ka Madame Alapai, oloko o ka bana puhiohe, i, kana hoopii oki. mare me ke noi pu e.hoihoi hou ia mai kona inoa mua. Ahiki mai i keia manuwa, aole he loheia, no ka waiho aku o ka Lunaleka W. F. Young i kona kulana ma ka haleleka 0 Honolulu nei, a oki loa aku hoi ka loheloheia o ka mea e,pii ae ana ma kona wāhi. E alawa ae e na lala o ka Hui Kokua ame Manawale'a 0 na Ppola, i ka hOolahā hoolewa e puka aku nei ma kekahi wahi 0 keia pepa, no ko lakou hoahanau i haalele mai i keia ola anā, oin 0 Oliwa Paakahili. Malālo o ka Ehukai' o Puaena he elua ae nei pule i hala i puni nui ae ai ka i'a i ka upena ma ka lawai'a hukilau 1 hoolalaia e ka Meia Lane, no ka makaikai ana o kekahi mau malihini 0 ke kipa ana mai i Honolulu >nei. Eia ke komo liilii mai nei na palapala noi holo moho mai na kuaaina mai, ' me ka nui nae o na pepa pa 'ihakahaka i kiiia ae i k« keena o ke Kakauolelo Kalauokalani i keia mau la iho nei, e pa aoao Repubalika ame Demokarata. E malamaia ana ka Ahaaina a ka Haku o ka Ekaleaia o Kaneohe, ma keia Sabati iho, e ka Rev. S. K. Ka'«iaiopili, ma ka hora 11 a. m., ka Hope Kahu o Kaumakapili. E hoea e aleu ana oia ma kā Poāono, no ke komo kauhale ana. O ka poe he mau ko lakou i na aina hui o Wainiha ame Haena, e alawa ae i ka hoolaha a -ka peresidena e puka aku nei ma kekahi wahi o keia pepā, no ka'hbfea ā'na ae ma ka halawai i kaheaia no kā mahina o Sepatemaba e hiki mai ana. Ma ka la 3 iho nei o keia mahina i haawi ae ai ka Lunakanawai Kaapuni o Maui i laikini loio no ka Lunakiai Joseph N. Uahinui o Molokai. E loaa ro oia i ka poe apau he mau hihia ka lakou e waiho aku ana imua ona, ma kona wahi noho ma Kaunkakai, Molokai. I Ma ke kihi o na alanui Halekauwila ame Keawe, ma ke ahiahi o ka Poakahi nei, i halawai ae ai he keiki opio o H. Choung ka inoa me ka ulia, mamuli o kona hooku'i ana me kekahi kaa e holo pukalaki ana, mamuli o ka puiwa | ana 0 ka lio. Ua hoihoiia kela keiki i 1 eha maloko 0 ka Halema'i Moiwahine.