Ka Nupepa Kuokoa, Volume LIV, Number 32, 11 August 1916 — ANAINA MARE NUI MA HANALEI KAUAL. [ARTICLE]

ANAINA MARE NUI MA HANALEI KAUAL.

•>. Ma ka la 19 o lulai aku la i hala, 1916, ma ka hora 7 ahiahi, ma ka luakini ahahuina Hawaii o Hanalei i hoohuiia ae ai ma ka hipuu maemae o ka mare o Miss Elizabeth Waioli Werner, me Edward Papoko Maccmber o Honolulu, e ka Rev. B. Puuki. Oiai e kokoke ae ana i ka manawa i hoolaha ia ae no ka hoohui ana i keia 'mau opio, ua ike au kou mea kakau i na kaa otomobile e iho makawalu ae ana no ka luakini, na makamaka ame na hoaloha o na makua o na opio. Ua hele ka luakini hou a piha e hookeke ana ka huli ana o ka noho e noho iho ai, me ka pau ole aku o na kanaka iloko. I ka hookokoke ana ae i ka manawa, ua haalele aku la ka paa mare ame na ohana i ka home noho o na maKua o ka wahine, a kau aku la maluna j o na otomobile elua i hoomakaukau ia no ia hana, a i ka hiki pono ana mawaho o ka luakini, o ka manawa no ia i liookani mai ai o Mrs. A. Menefoglio i ka piano, alaila komo mua mai la na makuahine o na opio, o Mrs. J. L. Kawaha, makuahine o ka opio kane ma ka puka ma ka akau o ka luakini, a o Mrs. Werner, ma ka puka ma ka aoao heina o ka luakini, alaila komo mai la ma ka puka ma ka akau ka opio kane, Edward P. Macomber me kona ukali, John Silva, a ia lakou i hookuene pono ai mamua pono o ka awai, alaila komo mai la na kaikamahine lawe pua, Miss Kosabella Wetfner ame Miss Sarah Aarona, ma ko laua mau lima pakahi e paa ana he mau ie pua daisies keokeo, a mahope nlai o laua ka bridesmaid, Aliss Mary Werner, e 'paa ana he ie pua aster keokeo, a mahope mai ona ke kaikamahine hoohanohano, Mrs. D. K. Hoapili, Jr., me ka poke pua single daisy keokeo, a mahope koke mai ona i komo mfti ai ka wahine opio e paa ana hoi maluna o ka lima o ka makuakane, keokeo ma kona lijna, a oiai e kani ana Wm. Werner, me ka poke pua gladiolus no ka piano, ua lawe aku la ka makuala ma na lima o ka opio kane, alaila kane i kana kaikamahine a haawi aku emi mai la oia ihope, a ia wa i ku mai ai ke kahunapule a lawelawe i kana e hohui ana ia laua iloko o lea berita maemae o ka mare. Ua lilo no keia mau minuke he' maI nawa eehia loa, no ka nani ame ka maikai o na olelo a'o i na opio mai ka waha mai o ke kanaka o ke Akua, a i ka pau ana o kana hana, a haawi ae la i ka lululima i ka paff mare, ia wa i mele ia mai ai e ka papa himeni wae o ka Hui Aloha o na Wahine o Hanalei he himeni i haku ia no na opio me ka nani, a i ke kuu ana iho o ka papa himeni, alaila ia wa i hookani mai ai o Miss Rose Kakina he m'ele, "Our Wedd;ng Day," maluna oka pianola. I ka hookuU' ana o i hd;kana ma ka luakini hou, alaila, lia hou mai la ke anaina ma ka luakiii), i ike in i o Hanalei Hall, no ka hoopiha ana i Howaho ialoko;. ua hanaia lie .elima pak'aukau loloa, a ua noho ke \anaina holookoa maluna o ke # ia mau pakaukuu i hoopihaia me na mea e oluolu ai ke ola kino, a ua noho iho ke anaina e hoonuu i na i hoomakaukauia. , Ua hoonani ia ka luakini hou me na pua keokeo like ole me na ohu uliuli.o ke kuahiwi. kaulana o Uamolokama malalo o ka. hooponopono ana a Mrs. Deverill, Mrs. Menefoglio, Mrs. Birkmyre ame Mrs. Makee. Malalo pono ma kahi e ku ai o ka paa mare, ua. hana ia he pi 'o me ka bele marc e kau pqno ana maluna ilio. Ua hoonaniia ka hall .me ua lau o ke •kuahiwi kaulana o Mamalahoa, malalo o ka hooponopono ana a >lrs.D. K. lloapili, Jr., ame he mea la .ke nana oku kou mea kakau aia ke anaina nui hewahewa iloko o ka ululaau o ke kuahiwi'kahi noho mai ai. Oiai i ke anaina e noho ana me ka hoonuu i na ono a ka puu, ia wa i noi ae ai ka Makua W. Hyde Rice i ka oluolu o Rev. S. Kapu e haawi mai i mau olelo paipai pokole, a ua haawi mai oia he mau olelo paipai, o ia no ia a ka wai aniani o ke ola hou e kahe mai ana mai kona walia mai. ' Mahope o ka piha ana o ka lua o ka inaina, ua hookuene pono ajp la na mea apau no ka hulahula, a noho no ia hauoli ahiki i ka hora aumoe, e alakai ia ana -hoi e ka liui himeni Tomi Tomi i(ilee Club. Ua hiki aku ke anaina ma ka hoomaopopo aku a kou mea kakau ma kahi o ka ekolu haneri, a no ka mea ke hele la keia hall a hookeke i na kanaka, aole no pnha i ike ia kekahi la maku kanaka o keia aina kaulana, kaualoku o Hanalei ,elike me keia. Knni uina ka o Namolokama, Nakolo oweowe i ke alo o na pali; Hoohie wale aku no au ilaila, l T ina, nakolo e, uina e, nakolo e, Uina nakolo e ka wai o Namolokama. Me na keiki oniu hua metala ko'u iloha. KAUALOKU O HANALEI. Hanalei, Kauai, lulai 30, 1916. k