Ka Nupepa Kuokoa, Volume LIV, Number 33, 18 August 1916 — KE ALOHA I SILA IA. [ARTICLE]

KE ALOHA I SILA IA.

Aloha kuu pua kau umauma, Pua ala hoohihi a ka puuwai; He makana hiwāhiwa na ka makua, Me a'u hbi oe a mau loa. Ilaila oe la ike iho ai, Kohu pono iho ai kou hoohihi; Aole no oe i lima nui ia, # Ke aloha i sila ia lilo oe ia'u. He milimili oe na kuu lima, A .ka puuwai hoi e haaheo nei, Ike oe ia mea e kuu aloha, Kahiko mau ia na ko kino. Haaheo wale au i kau ike, 'Puuwai hamama me ke aloha; Heaha nei ou e Pua Lalana, Pulale mai nei i ka'u ike. Hu mai ke aloha nou e ke hosj Kau hana lokoino ke aloha ole; Hele au i Honolulu a -hoi mai, Kuu Pua Lalana pili o ke kino. Aole no oe e pakele aku, I kuu komo gula ma ko kino; Manao iho oe a owau ia, A nau no ia e huli hoi mai. Hoi pono mai oe pili kuu poli, ! Ike' oe ke aloha uumi paa. Ka halia pau ole no mi nei, K.a haupu lana mau ko puuwai; Aole no au e hopo iho ana, A kau i ka hae o ka lanakila. He ike mai au no Lanai, - La'au kanlanā a ke kupuna; He pua pololei na ka malanai, Haaheo i ka luna o Mauna Lei. Haina ia mai ana ka puana, Hoomaikai ia ka Makua Lani; E ola e ke kama no Kaala, Pailaka kilakila kau i ka hano. . Hakuia e Liko Lehua.