Ka Nupepa Kuokoa, Volume LIV, Number 33, 18 August 1916 — KI HE WAHINE PILIPINO I KA MEA KOMOHEWA Hoihoiia ka Mea Poino i ka Halema'i a Paa Hoi ka Mea Ki Pu i ka Hopuia MALALO O WAIPAHU AE NEI KELA HANA KI PU Manaoia Ua Hoaoia e Limanui i ka Wahine Pilipino Pela i Poino ai [ARTICLE]

KI HE WAHINE PILIPINO I KA MEA KOMOHEWA

Hoihoiia ka Mea Poino i ka Halema'i a Paa Hoi ka Mea Ki Pu i ka Hopuia

MALALO O WAIPAHU AE NEI KELA HANA KI PU

Manaoia Ua Hoaoia e Limanui i ka Wahine Pilipino Pela i Poino ai

Ma ke kakahiaka o ka Poalua nei i ki ia ae ai he Pilipino o Alejandro ka, inoa i ka pu e kekahi wahine Pilipino o Eleanor Rojas, raa ka mahiko o Waipahu, eia nae aole i make ka mea i kiia i ka pu, aka ua hoihoiia oia iloko o ke kulana kupilikii, maloko o ka lialema'i ma Waipahu, a paa hoi ka wahine Pilipino ki pu i ka hopuia, a lioihoi loa ia mai no ka hoopaa ana ma Honolulu nei. Ma ka nanaia ana o ka Pilipino poino maloko o ka halema'i ma Waipahu, ua ikeia, ua komo ka poka ma ka opu, a loaa ka naau, a o kela ka pilikia kukonukonu loa, me ka manaolana no nae o ke kauka o ka halema.'i e palekana aua no kela Pilipino. Ma kft olelo a ka Pilipino i kiia i ka pu, he hele mau no ka oia no ka hale 0 ka wahine Pilipino, a pela no oia i hele hou aku ai ma ke kakahiaka o kela Poalua, o ka # mea nae i hanaia mai maluna ona, o ia no kona kiia ana mai i ka pu panapana. I ka wa hoi i laweia aku ai kela mau olelo, a hoikeia i ka wahine r uana i ki 1 ka pu, ua hoole loa mai oia, i kona kamaaina mua aila ? kela Pilipino, aka o kela ka manawa mua loa o kona ike ana iaia, i ka lioao ana aku e komo maloko o kona hale. Ma na mea i manao wale ia, ua hoao aku ka Pilipino poino e komo ma 'ka hale o ka wahine Pilipino, me ka manao kolohe, a i ka wa i kipakuia mai ai e hele, a e haalele aku i liale, me kona hooko ole i kela kauoha, o ka manawa ia i hoohana okoa ia ai ka pu panapana. Ua loaa aku no hoi ka ike ma kn nana ponoia ana o kahi i ku ai o ka poka, ma kahi kokoke loa i kiia mai ai ka pu panapana, a ma ia ano, me he mea Ja, ua aumeume maoli kela mau inea aliiki i ke ki okoa ia ana o ka pu panapana. I