Ka Nupepa Kuokoa, Volume LIV, Number 33, 18 August 1916 — MA AALA PAKA KA HAIOLELO A NA DEMOKARATA. [ARTICLE]

MA AALA PAKA KA HAIOLELO A NA DEMOKARATA.

I kulike ai me na mea i lioolalaia, e malama ae ana na Demokarata o keia kulanakauhale, he halawai makaainana malalo o Aala Paka, ma ka po o ka lo apopo, aole nae o Kiaaina Pinkham kekahi iwaena o ka poe i waeia r.o ka haawi ana mai he mau haiolelo imua 0 ka lehulehu o ka poe e akoakoa akū ana ma ia halawai. Ma ka olelo a kekahi o na Demokarata alakai oloko o kela aoao kalaiaina ua hoao ia e loaa he mau hooku'ikahi p.na mawaena o ka pohai o ke Kiaaina ame ka pohai o Likana Eliwai, aole nae he hiki, oiai ua paakiki loa ka pohai o Likana, maluna o na kahua, i ku ai ka lakou ku e i ke Kiaaina. Mai kekahi w&hi mai hoi, i oili ae ai he lono, no ka hoopau ana o Likana i kona manao e holo moho elele lahui, aka e hookomo ae ana no nae 'oia i kona palapala holo moho, me ka hoopau manawa ole, ma ka hele ana e hooikaika baloka ;mamuli paha o kona maopopo mua, ua waeia no oia he moho, a koe aku ke koho baloka iloko o Novemaba ,aole ka i loheia kona manao no kona hele e hooikaika baloka ame ka ole. Ma ka aoao o ka pohai o Likana, aole na manao kanalua iloko o lakou no ke kulana ikaika o ka aoao kalaiaina 1 keia kau, no ka mea ke nana aku nei iakou, ma na hemahema i hanaia e na Kepubalika ma ka Uiki ole ana ke hooko i ka lakou hoohiki iniua o ka poe koho baloka, ua lilo ia i kumu no na kanaka e h'uhu ai i na Repubalika, a e ana lakou e kakoo i nā moho kupono apau a na Demokarata. He nui a lehulehu wale na Demokarata e loheloheia aku nei, e holo moho ana no na kulana lunamakaainana me senatoa, aia nae a komo ae ko lakou mau palapala noi holo moho iloko o ke keena o ke kakauolelo o ke Teritore, ia wa e maopopo aku ai £a poe e holo i'o ana. .