Ka Nupepa Kuokoa, Volume LIV, Number 34, 25 August 1916 — KUU KEIKI ALOHA UA HALA. [ARTICLE]

KUU KEIKI ALOHA UA HALA.

Nupepa Aloha oe:—E ahonui aku oe i ka'u ukana kaumaha, he keiki, i ike mai ai na kaikuaana, na kaikuahine, na makuakane me na ohana apau, i ike ole iaia; ma ke kelekalapa kuu lohe ana mai ua haalele mai kuu keiki Aug. 3, 19.16, ili iho la ke kaumaha ame ka luuluu i kona papa no ke ike ole i kona helehelena. Ma ka la "> o, Augate, 1916, loaa hou mai he kelekalapa e ha'i mai ana aole i kanuia no ka la 6 e kanu ai, ia manawa loaa iho la kahi hauoli no ka ike ana i kona kinp. 1 Ma ke ahiahi Poaono, kau iho la aaluna o ka Mikahala, hiki i ke kaoua, hora 2, ia hiki aua aku i ka home o kuu keiki e waiho mai ana ke kino puanuanu ;ma ia kakahiaka nui, iho au me ke keiki a kuu kaikuaana no ka hui ana me M. E. Silva, ua loaa mai kana pane he hiki ke hoihoi ia i kona aina hanau, nolaila he mahalo nui ko'u i kona kaikuaana, Jos. N. Kahapea, i kona hoomaemae ana i ke kino o ka'u keiki. Pela ke Akua e kokua ai ia lakou ame ko lukou ohana apau. Xa Akua e haawi mai i na mea he nui, e pomaikai ai; pela pu au e hoomaikai aku nei i ka mea nana i hana a maikai ke kino o kuu keiki, a ike ka ohana i kona kino. Nolaila e lawe i na kino a kakou na keia hoaloha o kakou, e hoomaemae mai, no ka mea, he maiKai kana hana ana. Owau iho no, J. S. NAILAU, Knuuakakai, Molokai, Aug. 15, 1916. •