Ka Nupepa Kuokoa, Volume LIV, Number 38, 22 September 1916 — KOMO IA MAU MAKAI ILOKO O KA PILIKIA Hookahi o Laua i Hoopauia Mai ka Oihana Aku a Kapaeia Hoi Kekahi o Laua KOMO MAI NA KUMU HOOHALAHALA NO LAUA Lawe Kekahi i na Dala a na Kepani i Hopuia a Hoeha Kekahi i ka Lawehala [ARTICLE]

KOMO IA MAU MAKAI ILOKO O KA PILIKIA

Hookahi o Laua i Hoopauia Mai ka Oihana Aku a Kapaeia Hoi Kekahi o Laua

KOMO MAI NA KUMU HOOHALAHALA NO LAUA

Lawe Kekahi i na Dala a na Kepani i Hopuia a Hoeha Kekahi i ka Lawehala

O ka hopena i ikeia no kekahi mau makai elua, no ka laua mau hana hemahema, he hookahi i waiho mai \ kana oihana, rrfamuli o ke kauohaia ana aku e hana mai pela, a he hookahi hoi i kapaeia no ka manawa o hookahi muhina mai ka hana aku. O ka makai i hoihoi mai i kona hookohu oihana, oia o William Spencer o Aiea, a o ka makai hoi i kapaeia mai ka oihana aku no kanakolu la, oia o Kanealii, mamuli o kona hoeha ana i kekahi koa. 0 ka moolelo e pili ana i ka hana i hoopauia ai ka Makai Spencer, i kulike ai me na mea i hoomaopopoia, o ia | no kooa hopu ana i kekahi mau Kepani ekolu no ka lawai'a ma ka la Sabati, oiai nae aole he kanawai i keia wa no ia hana. • 1 wahi nae e noho ai kela mau Kepani mawaho, ua ohiia mai la he elima dala pakahi mai ia lakou mai, o ka mea apiki nae, aole i hoikeia aku ka I hihia o kela poe Kepani i ka aha hookolokolo o Ewa. He hookahi ka o kela mau Kepani i uku okoa aku he ekolu dala ia Spencer, i wahi e hoihoi hou ia mai ai kana upena. Ma ka la 27 aku nei o ka mahina o Augate ka manawa i hopuia ai o kela mau Kepani; a i ka wa i lohe aku ai o kekahi mau luna o ka mahiko, no na mea i hanaia aku e kela makai i na Kepani, ua waiho loa ia mai la k*i hoohalahala imua o ka Makai Nui I?ose, a hoomakaia ka huli ana i ka mea oiaio, a o ka hopena i ikeia, o ia no ke koiia ana aku o William Spencer e hoihoi mai i kona hookohu, a waiho loa ia aku 'a kona hihia iloko o ka lima o ka Loio Kalana Brown. 0 ke kumu hoi i kapaeip ai o Kane ;ilii mai ka oihana aku, ma o na kumu hoohalahala no ia i waihoia ae e Jos. E. Shnedy, ka lunanul o ka hui mokuahi holo pili aina, o ia ka hoeha ana o I Kanealii i kekahi koa. | Wahi a Mr. Sheedy, oiai ka oia e holo ana.maluna o kona kaa, ma ke alanui Moi, ma ka la 2. o ka mahina o Sepatemaba nei, ua ike aku la oi«i i kekahi koa e holo mai ana ma ke alanui Nuuanu, & e alualu mai ana o Kanealii mahope, a i ka hiki ana i ke alanui Moi, ua pakika iho la 1 kela koa, o ka paa no ia i ka hopuia e Kanealii, me ka ana iaia me ka huipa, a he palulu wale no ka ka hana a kela koa i kona helehelena. 1 ka wa i loaa aku ai o ka lioohalahala a Mr. Sheed'y, no ke ano o ka hoeha ana a Kanealii i ke koa, imua o ka Makai Nui Rose, Ua kapae koke ia aku oia mai ka hana aku no ka manawa o hookahi mahina. / Ma na mea i hoikeia ae e Kanealii, ua kamailio aku kela koa i na kupono ole iaia, i kona wa e waiho mai ana i kana hoike, mai ka pahu makai mai o ke alanui Hokele me Betela, a ua alualu mai hoi oia mahope o kela koa, ma ke alanui Nuuanu ahiki i ke alanui Moi.