Ka Nupepa Kuokoa, Volume LIV, Number 41, 13 October 1916 — HOPUIA NO KA HOOHAUNAELE. [ARTICLE]

HOPUIA NO KA HOOHAUNAELE.

He umi-kumamakolu mau wahine i hopuia ma ka po Poaono aku nei, no ka hoohaunaele i ka maluhia o ka po e na makaikiu, a ma ka nōho ana a ka aha hookolokolo hoomalu ma ke kakahiaka Poakahi nei he umi o lakou i hoopa'iia he umi-kumamalimā la pakahi e paa ai i Kawa, a he ekolu i hoopaneeia mai ko lakou hookplpkpl» hou ia ana a ka auwina la Poalua mai. O na wahine i hoopaneeia mai ka hoolohe hou ana a ka aha i ko lakou mau hihia oia o Annie Puhi, Rose Eldridge ame Rose Cabral. Ma ka olelo ka a na makaikiu na lakou i hopu i kela poe wahine, mai nui aku na wahine e paa ia lakou i ka hopuia ma ka wanaao 8abati ina ka ho lehulehu na makaikiu i hele pu me lakou. Ma ka lakou olelo i ka wa i lohe ai na wahine aia na makaikiu malaila, ua puka ka kekahi poe ma ka puka aniani, iho kahi poe ilalo ma ke alapii pauahi mahope o ka hale a holo aku la a nalowale iloko o kekahi mau hale e pili kokoke mai ana. Ua ike maopopoia iwaena iho o ka pohai o na makai ka hoomakaukauia ana o kekuhi mau palapala hopu no ka poe e malama mai nei i na hale he mau rumi hoolimalima kekahi, o ka poe nae na Iakou na hale i loaa aku ai kela poe wahine hoohaunaele po a paa ai i ka hopuia ka poe i manaoia e hopu.