Ka Nupepa Kuokoa, Volume LIV, Number 42, 20 October 1916 — AE OKOA O KALOA I KONA HEWA [ARTICLE]

AE OKOA O KALOA I KONA HEWA

Ma ka Poakahi aku la i hala o kekahi ia ; o na la hana nui maloko o ka aha t'ederala, no ka mea he nui na hihia a ke kiure kiekie federala, jO ka waiho ana aku, no ka hooloheia mai imua o kela aha. Ua ae okoa aku kekāhi poe i ko lakou mau hewa no na hihia 1 hoopiiia ae ai lakou, a'ua hoole no hoi kekahi poe.. a iwaena nae o ka poe i ae okoa aku i ko lakou hewa, o Nelson K. Kaloa kekahi, ka lunaleka o Pauwela, Maui. Ua hopuia o Mr. Kaloa, mamuli o ka pau ana o na dala he ewalu haneri me unji-kumamahiku me iwakalua keneka o ka haleleka iaia; ua hoea ae oia imua 0 ka aha, me ka loio ole nana e kupale iaia, a o kana pane no kona pili a pili ole paha i ka hewa; o ia no kona pili 1 ka hewa, a ua makaukau oia e auamo i ka hoopa'i e kauia mai ana maluna oha. Ma ka Poakahi o keia pule ae e kau mai ai ka Lunakanawai Horace W. Vaughan, i ka hoopa'i maluna ona. ■ I kulike ai me ka palapala hoopii hoahewa i loaa i ke kiure kiekie, ma ka la 30 o ka mahina aku nei o Sepatemaba o keia makahiki, ka laweia ana o na dala o ka haleleka, mamuli o ka huli ame ka noii ana aku a ka Lunanana Thomas J. Flavin i na buke o kela haleleka. Ma ka oleloia, ua ae okoa aku o Mr. Kaloa imua o ka loio Amerika i kona lawe ana i na dala o ka haleleka, nana ponoi kekahi, a hoaie aku kekahi i kona mau hoaloha. No ka hihia hoi o ka Lunaleka MorriB K. Keohokalole, ua hoopaneeia aku la leana pane a keia Poakahi ae.