Ka Nupepa Kuokoa, Volume LIV, Number 44, 3 November 1916 — HE PUOLO WAIMAKA NO KUU KANE ALOHA. [ARTICLE]

HE PUOLO WAIMAKA NO KUU KANE ALOHA.

Mr. Lunahooponopono o ke Kuokoa: —E oluolu mai hoi oe i kekahi oneki kaawale o ka kaua Hiwahiwa i ka'u wahi puol<| waimaka e kau ae la maluna, i ike mai hoi na ohana, na kini makamaka. ame na hoaloha o maua e noho ana ma ka la hiki a ka mole o Lehua. Ma ke kakahiaka o ka Poana, la 1& o Okatoba, ma ka hapalua o ka hora elima o ia kakahiaka i kipa mai ai ka anela menemene ole o ka make ma ko maua home, a lawe aku la i ka hanu hope loa o kuu kane aloha, a lawe aku la i kana o ka uhane a hoihoi aktt me ko kakou Makua Mana Loa ma ka lani. Ua hanauia kuu kane aloha ma St. Miehael, Portugala, mai ka puhaka mai 0 Maria de Gloria ame Joseph Jota Silva, ma ka la 6 o Aperila, 1876, nolaila ua piha iaia na makahiki he 40 o ka hanu ana i na ea huihui o keia ao, a hoi aku la i ka opu ana ole o ka honua, kahi a kakou apau loa e hele pu aku ai. Aloha kuu kane hele loa a! Ua hoohuiia maua ma ka berita maemae o ka mare ma ka la 9 o lulai, 1895, e ka mea Hanohano Jas. H. S. Kaleo, a ma ia hoohuiia ana o maua i loaa mai ai mai ko maua puhaka mai he 13 keiki, lawe aku ka make he <lia o ia mau keiki, a he eiwa e ola nei, a e noho papa ole nei hoi ma keia ao. Luuluu wale! I ka makahiki 1895 i hoea mai ai oia 1 Hana nei, a noho kumeka ili no ka j mahiko, a i ka makahiki 1898 i waiho aku ai ia hana a noho kupakako no ka halekuai o F. Garcia ma Makaalae, makahiki 1900, au aku la au i ke kai me kuu kane aloha e ike i ka Ua Kanilehua o Hilo, a noho aku maua i ka uka iuiu 0 Olaa, he kumeka ili no ka hana a kuu aloha. I ka makahiki 1902 huli hoi hou mai maua me na lei a maua no ka ua ianihaahaa o Hana, a noho kokua ohi auhau malalo o M. H. Reuter. I ka makahiki 1903 i hookoliuia mai ai oia i makai apana no Ilana, aole i loihi ma ia oihana, ua hookohu hou ia mai oia i wiliki no ka halepaahao o Hana, i ka makahiki 1911 i hookohu ia mai ai oia i kapena makai, a i ka 1912 1 lilo ai oia i luna makai no keia apana, a i makua hoi no ka lehulehu, ke kulana ana i paa ai a hiki i kona hooluolu ana aku la. Walohia wale! Ua loihi no ka hoomailo ana o ka ma'i maluna o kona kino. Ua huli ia ke ola i na kauka akamai loa o Oahu. a he loaa ae no ka oluolu no ka manawa. I ka mahina o lune i hoi aku ai oia no ka halema'i o ka uwahi kokololio o Kula, no ka huli ana no i ke ola, aole no nae' he loaa mai o ka oluolu maikai. ,1 ka mahina o Augate i huli hoi mai ai oia no ko maua home nei, me ke ola kino onawaliwali no, aka e hooko ana no oia i na hana apau e pili ana i kona keena. Ma ka Poalima, ka la 6 o keia mahina i hookau hou ai ka ma'i maluna ona, ahiki i kona haalele ana mai ia'u iloko o ke kaumaha me na lei a maua. He hoopono oia ma na hana apau, e kaupaona like ana hoi i ka pono ame ka hewa, he hoahea, he hookipa a he oluolu i ka poe e kipa mai ana ma ko maua home nei. He kaikuaana, ka Hon. Captain Silva o Hilo ame na kaikuahine, Mrs. Mary Borden, Vetuna de Mello ame V r irginia de Costa, e ola mai nei no kuu kane aloha. Aloha wale ae ana au i kahi e noho ai me kuu kane ahonui i na ehaoha o ke kino, ame na -lei hoomanawanui a maua, aole ka nul me ka lehulehu i kona hoi'a hope, owau wale no me na lei a maua. "Ua waiho iho oia ia'u iloko o ka ehaeha nui, e kumakena aku mahope nei. Ma ka Poalima, Okatoba 20, i maneleia aku ai kona kino puanuanu no ka pa ilina o Puuiki, a malaila oia i hoomoe ia aku ai i ka moe mau loa. Ke haawi aku nei makou i ko makou hoomaikai nui i na hoaloha ame ka ohana i ku kiai me a'u i ka'u mea aloha, ka ukali pu ana ma kana huaka'i hope, ame na ohana a hoaloha i lawe a hoouna mai i na lei me na po-ke pua, e ka uiho ai maluna o ka'u mea aloha, a maluna o na moho lunamakaainana i ke kipa ana mai e ike hope i ko lakou hoa paahana, ame na lau oliwa o ke aloha a lakou i lu iho ai maluna o makou a'u e poina ole ai ia lakou, ame ko kakou lunahoomalu o ka papa lunakiai o Maui, Hon. Samuel E. Kalama, ka makua opu aloha. O ka'u ia e kalokalo ae nei i ka Makua Lani, e\au iho i ka lei o ka hanohano maluna o na moho apau, a Nana e hoopomaikai ia oukou, a Nana no e hoomama mai i ko makou luuluu, oiai, ua kii mai no Oia i Kana o ka uhane, mai ka lepo mai no kakou ,a hoi aku no ka lepo no ka lepo. O makou iho no iloko o ke kaumaha, MRS. EMMA L. SILVA, Me ka Ohana. # 4 •