Ka Nupepa Kuokoa, Volume LIV, Number 48, 1 December 1916 — PAA I KA HOPUIA NO KA AIHUE [ARTICLE]

PAA I KA HOPUIA NO KA AIHUE

No ka laweia ana ma ke ano aihue o kekahi'mau dala a kekahi hui kuai waiu o Honolnlu i hiki aku ka huina i ka $125 he keiki Pake i noho hana malalo o ia- hui nona na makahiki he umi-kumamahiku ka i hopuia a laweia ae imua o ka aha hookolokolo o na opio ma ka auwina la Poaha aku nei, a ma ka ninauia ana e ka lunakanawai i hoike okoa ae ai ua keiki la i kona hewa. Ua hoopaiia ua keiki la a heihoiia aku i ke kula hoopololei o Waialee no ke koena aku o kona mau makaliiki ahiki i ke oo ana. Ua ae kela keiki lie $125 i'o no ka nui o na dala i pau iaia uhauhaia i ka wa a ka lunakanawai i ninaninau ai ,eia nae, ma ka manao o na luna o ka hui ua' oi loa aku na dala i pau iaia. Ma ka manao waleia ua lawe liilii kela keiki i ke dala iloko o na manawa lehulehu like ole, a ua oi aku mamua o ka makahiki hookahi kona hana mau ana pela, oiai no oia e hana ana malalo o ka hui. Ua hunaia ka inoa o kela keiki, a ua hoonalo pu ia me ka inoa o ka hui waiu a ua keiki Pake la i kolohe ai i ke dala. »