Ka Nupepa Kuokoa, Volume LIV, Number 48, 1 December 1916 — IKEIA KA MA'I KAMOLAPOKI MALUNA O KA MOKUAHI. [ARTICLE]

IKEIA KA MA'I KAMOLAPOKI MALUNA O KA MOKUAHI.

Ma ke ku ana mai o ka mokualn Shinyo Maiu no keia awa, ma ka Poakolu o ka pule aku nei i hala, a holo no Kapalakiko ma ke kakahiaka ae o ko Poaha mai, i ikeia ai ka ma'i ka molapoki, iwaena o kekahi ohua oneki, a hooleleia nouka nei e hoomaluia *ai, ma ke kauoha a koonei kauka, nana i na moku. I ka wa e kalewa ana kela mokuahi mawaho ae nei o ka nuku o ke awa, i kau aku ni o Kauka Troter, no ka nana ana i ke kulana ola kino o na ohua apau, ia wa i hoike kokeia mai ai ka lohe iaia, no ka loohia ana o kekahi ohua oneki me ka ma'i kamolapoki, nolaila ua hookauia ka mea i ma'i, he Pake maluna o kekahi waapa mokuahi, a hoihoiia aku no kahi hoomalu o ke aupuni. Ma ka olelo a ke kauka o ka moku, ma ka la 17 o Novemaba i ikeia ai kela ma'i kamolapoki; o ka ekolu a i ole o ka eha paha ia o na la o kona hana ana maluna o ka mea ma'i; a no ka e ae, i hooma'kāia jai ka o ana i na ohua apau, mai ke kdp(*jia mai ahiki aku i na paoahi, i hiki aku ka nui, ma kahi o ka 1124 poe oluna o kela mokuahi. Mahope iho o ka nana pakahi ia ana o na ohua ,a ikeia ko lakou loaa ole i kehi pno ia wā i liookomoia mai ai ka mokuahi iloko nei o ke awa, a i ka pili ana aku i ka uwapo, ua lioopukaia ae la ke kauoha, o na ohua wale no o ka papa ekahi ame ka papa elua I ke aeia e lele nouka nei o ka aina, malalo o napalapala ae, a no ke koena aku o na ohua ,e noho malie no lakou maluna o ka moku, ahiki i ka hoomau ana aku i ka holo ana no Kapalakiko. No na ohua oneki o Honolulu nei, o ia hoi he 35 mau Kepani, he 24 mau Pake ame 75 mau Pilipino, ua hoihoiia lakou no kahi hoomalu, malaila e noho ai ahiki i ka pau ana o na la hoomalu, ia wa e hookuuia akxi ai no ka hoi ana no na mahiko, a i 010, no na wnhi paha o ko lakou mau ohana.