Ka Nupepa Kuokoa, Volume LIV, Number 49, 8 December 1916 — KE HOUPUUPUIA MAI NEI KE KIAAINA HOU. [ARTICLE]

KE HOUPUUPUIA MAI NEI KE KIAAINA HOU.

lOlike me ka nee mau ana o ke au o ka manawa, pela no ka oiliili mau mai o na houpuupu ana no na loli iloko o ka hooponopono aupuni Teritore ana ma Hawaii nei ,no ka mea ma ke ku ana mai o ka mokuahi Matsonia ma ka Poalua aku la i hala ; i oili ae ai kekahi lohe, no ka hookohuia mai o ka Lunakanawai Watson i kiaaina no Hawaii nei, ma kahi o Kiaaina L. E. Pinkham. O ka oiaio ame ka oiaio ole o ka lono e pili ana ,i ka lilo aku o ka Lunakai]awaV Watson i Kiaaina no Hawaii nei, na keia mua aku ia e hoike mai, aka o ka mea nae i pahola ae ma keia kulanakauhnle, ma ke ku ana mai o kela mokuahi, o ia. no ka waiho ana. aku o ka Lunakanawai Watson i kona palapala haalele oihana, ma kona ano he hoa noloko o ka aha kiekie, imua o ka Peresidena Wilaon ; a e hookohuia mai ana oia i Kiaaina no Hawaii nei. Aia no ka kela palapala haalele oihana o ka Lunakanawai Wat9on, ke waiho la me ka PereBidena, me ka noonoo ole ia, a i kulike ai me na lono i iioea mai ; aia ka a hoea mai i ka wa e noonooia ai o kela palapala haalele oihana, o ka manawa iho la no ia e aponoia ai, a hookauia mai he hanohano hou maluna o Mr. Watson. Ma na mea a koonei poe e hoomaopopo aku nei ; ina aia he manao hoololi iloko o ka l'ereBidena "Wilson, no ke kulana kiaaina o Hawaii nei ,aole o lakou kanalua iki no kp kikooia mai o WatBon i Kiaaina no Hawaii nei, no ka mea ,ina aole he oma'ima'i o Mr. Watson, ma kela manawa e*noonooia ana i Kiaaina nō keia Teritore, ina ua lilo kahiko oia i Kiaaina.' Oiai ua ikaika ko Mr. Watson kino iloko o keia manawa, a us. hiki hoi ke lawelawe i na hana apau me ka pilikia ole, ua manaoia, aia no ka noonoo iloko o ka Wilson nona.