Ka Nupepa Kuokoa, Volume LIV, Number 49, 8 December 1916 — PAIKA LA HANAU. [ARTICLE]

PAIKA LA HANAU.

Ma.ke Sabati, Dekemaba 3, ua malama ae o Mr. ame Mrs. Chee Kau o Honolulu nei he paina luau nui no ka laua keiki elua no ka piha ana o hookahi makahiki ma ko laua wahi noho, 735 Queen st,reet me Oooke. He nui ka poe o ke kulanakauhale nei i konoia no ka nauwe pu ana aku maluna o ka papaaina e luakaha pu ai no ka haupa ana i na ono i hoomakaukauia e na makua no ka hoomanao ana i ka piha ana o hookahi makahiki o ka laua kamalei. Ma keip paina luau i lohe ai ka mea e kakau nei i keia itamu he moopuna keia na ka lunakiai o Molokai, a ua ike a ua hui pu aku la kou mea e ka« kau nei me ua lunakiai la o Uahinui, a mai Molokai mai na mea apau maluna o ka papaaina a makou e hoonuu ana, ka puaa la\ilau i hopmo'aia no i Molokai a mo'a, ka oio ono no hoi, ka limu pahee no hoi o Manuakepa, na inamona no hoi o ka ulukukui kaulana o Kaukaweli (Lahaina), ka puaa no boi i kalua kele ia, ka uala ono no hoi o Molōkai, aole hoi elike me ko Honoiulu nei wahi uala ka palapalakai ono ole. Ua hoolawaia ia me ka luhiehu i iia meaai like ole, a komo pu iho la no kahi wai lohia o maleka, he u'i hoi kau. A ma keia paina komo pu mai ihe kauka paha no Molokai mamua. Nināu aku la au i ka lunakiai o Molokai ia Uahinui, hai mai oia ia'u he hunona no nana o Dr. H. Hayes, kona inoa, a oia me J*ana lede, Mrs. H". Hayes keia a makou e hoonuu pii nei i na ono like ole, a ma ia kakahiaka mai no ka lunakiai me kona ohana ame keia mau nieaai i hana maiau ia no i Molokai, a pau ka luhi i Molokai. Mahalo nui no i ka lunakiai i ka pau no o na. hana apau i Molokai ,a he kaukau wale iho no ka •hann ma Honoiulu nei. Ke haawi pu ae nei au i na mahalo a nui i na makua no keia la a ka leliulehu e luakaha pu nei maluna o ka papaaina, a haawi pu no hoi au i ko'u mahalo nui i ka lunakiai o Molokai, no ka mea ,o ka mua loa keia o ko'u ike ana iaia, he ike no au ma ka inoa, aole nae ma ka hui pu ana, a ma keia paina hoi au i hui pu aku ai ,eia ka he oluolu, a, ua maoli no ka ka'u i lohe ai ma koua moolelo, oia hoi, hookahi no ko kamaaina ma Kaunakakai, oia ko'u lohe, kahi hoi o na maliihini e kipa ai, ninau hookano aku la au i ua lunakiai la, ehia la ona makahiki, ha 'i mai oia ia 'u he 58 ona makaliiki. Ua ku-. pono ole Ja me ko'u mau makahiki no ; ka mea 39 no o'u mau makahiki; | nolaila, "hooliolo iho la au i makua oia [ no'u no Molokai, no ka mea ,aohe wahi e kipa ai ma Molokai, a o ka'u wahi luahine ke ake loa e ike ia Molokai, no ka mea, he Kauai kona one hanau, 8 he Oahu hoi au, nolaila, hauoli au i kuu makua maikai, a lana ae la ko'u manao e ike ana au ia Molokai nui a Hina. - Ha'i mai la ka lunakiai ia'u, ma Molokai, aole ka e hiki ka malihini mai Kaunakakai aku ahiki aku paha i Halawa, hookahi no ka alanui e ike ana, au i'a Molokai. Koi mai la kuu makua maikai ia'u o ka wa maikai e hele ai o ia ka wa e no-ho ai paha o ka hoolaa luakini o Kaluaaha ame Waialua i ka mahina o lanuari, a i ole Feberuari paha, o ia ka olelo mai a kuu makua ia!u, mahalo no au i kona manao pela. Nolaila, ke haawi aku nei au i kuu hoomaikai ia oe e Mr. Lunahooponopono o ke Kftokoa ame ke aloha nui i na kolki o kou keena pa'i. Owau iho no me ka haahaa, SAMU£L KAUHIWAI. l'awaa, Honolulu, Dec. 4, 1916. - -