Ka Nupepa Kuokoa, Volume LIV, Number 49, 8 December 1916 — LOHEIA KA MANAO WAIHO O WATSON I KA HANA. [ARTICLE]

LOHEIA KA MANAO WAIHO O WATSON I KA HANA.

Ma ka pule aku nei i hala i oili ae ai lono no ka waiho mai o ka Lunakanawai Watson i kona noho ana he hoa noloko o ka aha kiekie o keia Teritore, eia nae, i ka wa i ui ia aku ai o kela lono iai,a ua hoole loa mai oia, no kona hoouna ana i kona palapala waiho oihana i Wakinekona. 0 ka lono o ka oili ana ae, ma ka po o ka Poaha o ka pule aku nei i hala, 0 ia no ka hoounaia ana aku o ka palapala waiho oihana a ka Lunakanawai Watson, irmluna o lia mokuahi Sierra, eia nae hoi ua hoole mai o Mr. Watson 1 ka oiaio o kela lono. 1 ka manawa nae o ka oili ana ae o ka lono e pili ana i ka waiho aku o ka Lunakanawfii Watson, i ka noho ana he hoa no ka aha kiekie, ua hapai hou ae na hoaloha o ka Lunakanawai Wilder i na hoeueu ana no ka hookohuia mai o Wilder, ma ka makalua e hoohakahakaia iho ana e ka Lunakanawai Watson, ina hoi no kona waiho i'o i ka noho lunakanawai - ana.

Ma ka manao nae o kekahi poe o! Kiaaina Pinkham kekahi mea hikimua ma ke ku-e ikaika ana no ka hookohuia mai o Mr. Wilder i lunakanawai no ka aha kiekie, ina e hakahaka ana kekahi makalua o kela alia, oiai aole loa he maikai iki o ka noho launa ana mawaena o Kiaaina Pinkham ame ka Lunakanawai Wilder, elike me na mea oiaio i ikeia mawaena o laua, ma na manawi» •aku nei i hala. Aole i poina ko Honolulu nei poe,i ka lilo ana o ka inoa o ka Lunakanawai Watson, i mea ohohia nui ia ma Wakinekona, no kona noonooia e lilo i Kiaaina no Hawaii nei, a ina aole kona ma'i iloko o ka wa e noonooia ana i Kiaaina no keia Teritore, ina oia ka mea e noho kiaaina mai nei i keia la. aole nae pela, ua lilo ka maikai ole o kona ola kino i kumu e hoohuliia aku ai na hooikaika ana a ko Wakinekona poe, maluna o kekahi kanaka okoa aku, ahiki i ka hookohuia ana mai o Mr. Pinkham, i kiaaina no keia Teritore, iloko o na manao kahaha o koonei poe. Ina no ka waiho i'o aku o ka Lunakanawai Watson i kona noho ana i kolu no na lunakanawai o ka aha kiekie, ua nana aku koonei poe, me ke ano, aia kekahi mea ano nui mamua aku e hoea mai ana, pela wale no oia e waiho e aku ai i ke kulana ana e paa nei i kela manawa. +++