Ka Nupepa Kuokoa, Volume LIV, Number 49, 8 December 1916 — KUU AUNTY ALOHA UA HALA I KE ALA HOI OLE. [ARTICLE]

KUU AUNTY ALOHA UA HALA I KE ALA HOI OLE.

Mr. Lunahooponopono, Welina nui kaua: —Ma ka hora 10 a. m. o ka la 30 o Okatoba, 1916, i haalele mai ai kuu aunty aloha ia'u ame kana }tane aloha ame na keiki, ma Paia, Maui. Ua hanauia oia mai ka puhaka mai o Mr. ame Mra. Luke ma Kanaio, Maui. Ua hoonaauao maikaiia o Mrs. William Kahalekai ma ke kula olelo Beritania o ka makani kilioopu o Waihee, Maui, malalo o kana kumu a'o naikai, ka Hon. Samuel Keliinoi. • Mailoko mai o ko laua mau puhaka he umi a laua mau keiki. Ua hala aku no ma ka aoao mau o ka honua he eono, a he eha e ola nei.

He umi-kumamahiku o laua mau makahiki o ko laua noho mare aloha ana, me ka loaa ole o ko laua mau noho ku-ee ana mawaena o laua a i elua. He pere9idena oia no ka hui manawale'a o ka Hoomana o na La Hopē Kei ma Waihee, Maui, Ua noho puuku no hoi oia no nā hui like ole oloko o ia hoomana. He wahine hookipa oia i ka poe e hoea āku ana ma ko laua home aloha ma Waihee, Māui. He wahine o MrB. Wm. Kahalekai e malama an& i na oihana like ole o ko ke Akua aupuni me ka ewaewa ole. Ua haalele iho oia he kane,*raau pokii ame ka mama nloha e noho paiauma aku ana nona. Ua nui kona mau hoaloha i minamina nui nona. Peia pu>no me kana mau keiki i hooneleia i ka mama. Ua nui konā mau hoaloha i nauwā ae e ike i kona helehelena. Ma ka hoomaopopo aku i ka nui io ka poe i< hijki oe e ike i koāa hoolewa; aia aku maluna o ka haneri a oi. Ua nui na ano lahui like ole i hoea ae ma kona lioolewa. Me ka Lunahooponopono amo na keiki oniu hua uwila ko'u farewell. 0 maua iho no me.ka oiaio, MB. PETKR K. KAPUAA, MRS. PETER K. KAPUAA. Paia, Maui, Nov. 24, 1916.