Ka Nupepa Kuokoa, Volume LIV, Number 51, 22 December 1916 — HE HOOMANAO NO KUU WAHINE MRS. KAHALEKAI. [ARTICLE]

HE HOOMANAO NO KUU WAHINE MRS. KAHALEKAI.

H ka Lunahooponopono o ke Kuokoa, Aloha oe:—E ahonui mai oe e ka mea hanohano o ka Nupepa Kuokoa no ko'u hooluhi ia oe, ho na kaumaha ame na luuluu o kuU hoapili he wahine i hala i ke ala hoi ole mai. Ke hoohanini mau ia nei na waimaka o'u no kuu wahine aloha, ka makuahine hoi o ka home, e malama maikai ana i na keiki a maua, a pela no hoi na makamaka ame na hoaloha e kipa ana i ko maua home. Ua nele au i ka wahine, he minamina ko'u nona, no' na hana maikai ana ia'u, ua hikv ole ia'u ke paa aku, no ka mea, 0 ka alahele ia'o na mea apau. He kaumaha a he luuluu no kuu hoapili aloha, ua piliia e maua no na makahiki he loihi, me ka loaa ole o kekahi mau kuia,';me he niilimili la ia na'u, no ka mea ua hoonawaliwali mau ia kona ano aliiki i kona haalele ana mai ia'u me na keiki a maua. Eia au ke hoomanao mau nei nona, no na hana maikai a kona mau lima i waiho iho ai me a'u, a ke ike nei au i ke kaumaha ame ka luuluu o ka noho pu ana.o ke kane ame ka wahine no ka manawa loihi. He mau mea opiopio loa maua iwaena o ko maua hui ana, a ua loaa no ia maua ua noonoo akahele, hoomanawanui a hoopono ma ia ano i apo ia ae maua a lilo i mau mea noonoo kanaka makua. He manao ko'u ua hoomaopopo mua no kuu wahine e haalele mai ana oia ia'u, no ka mea elua la mamua o kona haalele ana mai ia'u iwaena o ko maua pule ohana ana me ka maua mau keiki, ua pule ae oia penei: "E ko'u Makua iloko o ka lani i na ua ike oe ua pau kau misiona ma keia honua, aole loa o'u kanalua no kou lawe «>na aku i kuu uhane, no ka mea ua iiOi.o aku au e hooko pono i kau hana ma keia ao." Ua kuu ka ua pau kana hana ana no keia ao, a ma ke ao hou ma lerusalema kana hana. He mahalo nui ko'u no' ka poe apau i akoakoa mai, e kanikau, a e kaumaha pu me a'u no kuu wahine aloha, i hala 1 ke ala hoi ole mai. Ua nlakaiia ke anaina hoolew r a e na lala o ka liui manawalea o Waihee, a na ka oihana makai o ka apana o Wailuku i hoohanohano i ke kino wailua o kuu wahine, mamuli o ko lakou hapai ana i kona pahu kupapa'u. He nui ka poe i ukali ae ma ia hoolewa, a ua malamaia he anaina hoalohaloha no kuu wahine, ma ka halepule 0 na la liope nei ma Waihee, a waiho aku i kuu hoapili aloha, i ka home puanuanu o ka opu o ka, honua. Ke malialo nei au no kuu haTcu hana ma ke kino, oia lioi ka makai nui o ke Kalana o Maui, Clement Crowell, ame kona hope, no ko laua hoouna ana mai 1 kuu mau hoahanau o ka oihana makai e auamo pu i keia ukana kaumaha. Ke hooki nei au i keia mau hoalohaloha ana no kuu hoax)ili aloha i hala i ka po, me ka noi ana i ka Makua Lani e hoomama mai ia'u, anie ka ohana, a a ka'u pule keia iloko o ka inoa o ko kakou Haku o lesu, Amene. Me ke aloha pau ole no kuu waliine, WM. KAHALEKAI. Wailiee, Maui, Dec. 19, 1910.