Ka Nupepa Kuokoa, Volume LIV, Number 52, 29 December 1916 — HANAI'O KA UA IA HILO. [ARTICLE]

HANAI'O KA UA IA HILO.

Ma kekahi meahou o ke kakauia ana mai Hilo mai i ka nupepa Advertiser, e hoakaka ana ia i ka ikaika maoli o ka haule ana o ka ua ma Hilo, ma ka pule aku nei i hala, a ma Hawaii Hikina no apau, ke hele la a halana pu ia ke alanui e ka wai, me ka lilo o na alahao i ka wai ma kekahi mau wahi, a hiki ole hoi i na kaa ke holo ma kekahi mau alanui, i kau a mea o ka hohonu o ka wai. Ua hele pu mai ka ua me ka makani, ka uwila ame ka hekili, a i ke ao ana ae ma ke kakahiaka o ka Poaono, ua hele na wahi haahaa ma Hilo a halana pu ia e ka wai, pela hoi me ua hawai, ua hele a hiki ole ke omo aku i ka wai, i kau a mea o ka nui loa. I ka manawa i ku aku ai o ka mrikuahi Wilhelmina no Hilo, ma ka auwina la o ka Poalima mai, me na ohua makaikai he kanaono, ua pii okoa no kekahi poe lehulehu o lakou e makaikai i ka luapele, aka nae ma ia po ana iho, ua haule mai la ka ua me ka ikaika, a o na alanui keia ma na wahi haahaa, ua nalowale pu iloko o ka wai, ma kahi he umi kapuai ka hohonu. O ke alahao keia ina ka Mile Umikumamalima, ua lilo pu i ka wai, a ua hoopoino pu ia hoi ke alanui aupuni ma ka Mile Umi-kumamawalu. Na na kaa 0 Jca Halelio o ka Luapele i hoohikihiki 1 na oh~ua ma kela po Poaono ahiki i Olaa, a malaila i kau aku ai maluna. o kekalii kaaahi kuikawa, a huli hoi aku Ia no Hilo iloko o k?i manawa kup.ono loa, e kau ai maluna o I<a mokuahi, mamua ae o ka manawa e holo ai no Ho* nolulu nei. Ma ke kakahiaka nui o ka Poaono, ua hiki ole i ke kaaahi ke holo aku ma Kalawa, no ka mea ua uhi, pu ia ke alahao e ka lepo me ka pohak\i, alaila hiki i ke kaaahi ke holo aku, 0 kela ka lua o na kuaua ko'iko'i o ka haule ana iho ma Hawaii Hikina, iloko o ka pule hookahi, me ka hiki ole i na kanaka o ka maliiko ma Olaa ke hele i ka hana, koe wale no kekahi poe kanaka kakaikahi, no ka hoomaemae ana i na alanui. Ke haawi aku nei ke Kuokoa i kona aloha Hapenuia imua o kpna poe heluhelu. Aloha Hapenuia!