Ka Nupepa Kuokoa, Volume LV, Number 2, 12 January 1917 — KU-EIA KA BILA KOHO KIAAINA A KUHIO. [ARTICLE]

KU-EIA KA BILA KOHO KIAAINA A KUHIO.

Mamuli o ka hookomoia ana aku o ka bila e pili ana i ke koho baloka ia 0 ke Kiaaina ame ke Kakauolelo o Hawaii nei, ma keia mua aku, e ka Elele Kuhio, maloko o ka ahaolelo lahui, ma ka la 18 aku nei o Dekemaba i hala, ua hoalaia ae he mau manao ku e e ka ahahui kalepa o Honolulu nei, ma o kona peresidena la ame ko kakauolelo. Oiai nae, aole i loaa mai ke kope oia--10 o kela bila, a ka Elele Kuhio o ka hookomo ana aku, i kela ahahui, ua paa nae ka inanao o kona maulunanui, e ku-e aku i ka hooholoia mai o kela bila. Ma ka hoakaka a ke Kakauolelo Brown, o ka ahahui kalepa, he mau halawai lehulehu lea kela ahahui o ka malama ana, eia nae aole i laweia mai ka noonoo ona no na mea e pili ana i ka bila, mamuli o ke kumu, aole he kope 1 loaa mai o kela bila. He bila no o keia ano hookahi ka i hoomakaukauia, a e hookomoia mai ana iloko o keia kau e noho mai ai o ka ahaolelo kuloko, a o ia ka poe i hoike ae ai i ko l»*kou .he mea pono, maanei mua e noonooia ai kela bila, no ke aponoia a apono, ole ia paha, mamua o ka hopkomo ana aku iloko o ka ahaōlelo lahui. Ua ala ae ka manao o kekahi poe i ka i puka ae ai ka meahou no ka hookomo ana ak\i o Elele Kuhio i kela bila iloleo o ka ahaolelo lahui, mamnli ka in o kona makemake, e lilo oia ka mea e noho ae i Kiaaina, mamuli o ke koho &na a na makaainana.