Ka Nupepa Kuokoa, Volume LV, Number 2, 12 January 1917 — HE HOEUEU HANOHANO. [ARTICLE]

HE HOEUEU HANOHANO.

O ke aliiahi o ka la 24 o Dekemaba i hala iho la, ua malama ia kekahi hoike hui o na papa kula o na opio o ka Ekaleaia o Kealaulaokamalan?a|a.ma o ka Hoomana Naauao, ma Koula, Honolulu nei, malalo o ke kauoha a ka peresidena nui o na, Opio o ka Paeaina, Rev. Uharles Lot Kealoha. Ma ka papa o na hana o ia po, ke ole e kuhihewa ka mea kakau, he umi ko lakou nui, a malalo no •hoi o na alakai ana a k.O lakou m&U alihikaua pakahi. Ma kekahi mea ano nui ke hoomaopopo aku, i na mea i a'o ia e.na alihikaua pakahi, ua hoike mai kela me keia puali pakahi i ko lakou makaukau piha ma na haawina i a'o ia e ko lakou mau alakai, a oiai lakou imua o ke kaliua kaua, he mahiehie maopopo o ka manaoio hana ko lakou mau iiiohiona ke ike aku kahi manao hoohihi. A oiai, akahi no a hoala hou ia keia hana hooulu, a lioeueu iloko o na ahaliui o na opio o keia hoomana, he aneane o 20 na makahiki oi aku, a emi mai paha i liala ae nei, a malalo' no hoi ia o ke alakai ana a Rev. S. K. Kamakaia, ka peresidena nui o na Kula Euanelio o na Hoomana Naauao o Hawaii ia manawa ,a nona hoi ka liuina nui o «a puali kaua i liiki mai i na liana. hoik« Kula Euanelio nui o ka Paeaina i ka 14 puali, a o keia iho la ka, helu elua o na hana Loeueu i hapaiia e Rev. Chas. L. Kealoha, mc kona mau hope. He ulumahiehie a makalapua no hoi na haawina a kela me keia puali pakahi i hoike mai imua o kela anaina i kela po, a he ho'iho'i hou ana mai ia i ka'u mau hoomanao ana o na la i au wale aku la, a malalo no hoi o kā'u mau rula alakai ana i na Kula Euanelio no elua kau o ko'u noho peresidena ana. „A oiai me ka nana ole ae i na hoolilo ano nui o keia hoeueu hanohano, ua kukala mai la o Rev. C. L. Kealoha i ka mahina o Okatoba i hala e malama ia ana e na opio o na ekalesia o ka Mokupuni o Oahu nei, he hoeueu hanohano i ka la 24 o kei& mahimi i hala iho la, a e loaa aku no i ka papa kiekie o na pakeneka ka makana hoeueu hanohau,o na dala maikaj he 25, a i ka helu tlua iho hoi o na papa i loaa na pakeneka kiekie na dala maikai he 15. He oiaio 7 aia he ekolu mau lala o ke komite i kohoia, o lakou na lunakanawai no ka haawi ana i ka lakou olelo hooholo no na papa i loaa na pakeneka kiekie, a no lakou keia mau inoa: Rev. C. L. Kealoha, lunahoomalu; D. Kahaulelio ame David Kahaleaahu, na lala 0 ke komitej ua hala aku nei kekahi lala o ke komite i Lahaina, a he elua wale no lala o ke komite i kela po. A mamuli o ka laua kaupaona akamai, noeau, mikioi ana, ua hoike mai la ka Lunahoomalu Kealoha, ka mea hoi nana nei hana hanohano, me na dala makana pu, ua ahai ae la ka papa nona ka inoa o Betelehema i ka muKana kiekie o $25, a i alakai ia hoi e Rev. S. K. Kamakaia. 0 na lala o keia papa, o ia no kela puukani nana i lawe haaheo ae i kela makana -hae o ka paeaina o na Hoomana Kalawina ma Hilo, ame kana alii kane, me kona kaikuahine ame George Maluna o k'a niu haohao o Poka-i ame Henry Mika o ke alanui Liliha, a o ka mea no hoi e kakau nei, he wahi puali i uuku o eono wale no ka heluna. L T a aha'i ae la no hoi ka papa ona opio o ka ekaleaia o Kealaula i kekahi maKana hoeueu hanohano o $15, i alakai ia e Andrew I. Bright, a nona <hoi ka huina o na lala he ewalu. Mahope iho o ka hookuu ana o na hana hoeueu hanohano i kela po, ua kono ia na mea apau e ai wahi palaoa me puaa hame, me ke kope hiaa o Kona, a ua ai na mea apau a ua inu hoi i na mea i hoomakaukauia a lawa, a ua hoi kela me keia no ko lakou mau home me ka hauolioli Karisimaka no na mea i hanaia e na papa kula o na opio i kela po. . , " • Nolaila, me k,eia mau hoaiai ana maluna ae, ke hooki nei ma ka'u mau kanaenae aloha ana i na Kolukahi hemolele loa, e haawi mai i na hoomakaukau 01 ae o na himeni, ahie na haawina auo hou loa i keia kau ae o ka paeaina e hiki mai ana, a e hoea mai hoi he mau papa kula opio hou o keia iau o lulai e hiki mai ana, he hoike ana hoi o ka "mana," o kela hoeueu hanohano i hanāia iho la e ka peresidena nui o na kula 6pio 0 Hawaii, Rev. C. 1,. Kealoha. Me ko'ii ikaika apau, ko'u uhane apau, ke hāawi aku nei i ko'u hoomaikai nui palena ole i ke Akua o ke kau like, no kona liaawi ana mai ia'u i ka helu kiekie o na makana, ma o Kaua kauwa la, Rev. C. L. Kealoha, a na Oia mau ke Akua, ka Makua, Ola mau ke Akua, ke Keiki; Oia mau ke Akua, ka Uhane Hemolele, e haawi mai i na hana hooholomua oi aku o na papa hoike Kula o na Opio i ke Kau o lulai e hiki mai ana. Mo ka haahaa, JOilN BELL.