Ka Nupepa Kuokoa, Volume LV, Number 3, 19 January 1917 — IKE PONO I KA HEWA O KA PUNI HULAHULA. [ARTICLE]

IKE PONO I KA HEWA O KA PUNI HULAHULA.

Ma ka Poaono aku nei i hala, i kulike ai me kekahi meahou mai Hilo mai i ka nupiepa Advertiser, i hoea aku ai i he ekolu mau kaikamahine Hawaii! opiopio, no ka hooloheia o ko lakou hihia imua o ka Lunakanawai Kaapuni Quinn, a he hookahi o kela mau kaikamahine ua hapai, a he elua i kauohaia e hoihoiia mai no ke kula hoopololei o na kaikamahine mawaho ae nei o Kamoiliili. 0 ka inoa o kela mau kaikamahine, oia o Amoy, he kaikamahine hapa Pake, a o ke kaikamahine ia o lakou i hapai, he umi-kumamalima ona mau makahiki, o Emma Kealoha, he umi-kuma-maha makahiki, ame Aliee Keona, <he umi-kumamaha no makaliiki. Na ka Hope Makai Nui Riekard, o, Hamakua i lawe ae i kela mau kaikamahine opiopio imua o ka aha, a b" Amoy o lakou ka i hooili aku i na ahewa ana maluna o kekahi mau Pilipino I lehulehu, no ka hoopoino ana iaiā, aka | no kekahi mau kaikamahine e iho elūa, | he hookahi Pilipino pakahi a laua o ke kuhiliuhi ana ae, o laua na mea na laua i hoopoino. 1 kulike ai me na moolelo a kela mau kaikamahine i kamailio aku ai imua o ka ahā, a i hooiaioia hoi ka pololei ma k'ekahi ano, ua ili aku ke koiko'i o na ahewa ana maluna o na makua o kela mau kaikamahine, maluna no hoi o kela mau kaikamahine, ame na Pilipino na lakou i hoopoino aku i ko lakou mau kino. Ma na mea e pili ana ia Amoy, ua hoakāka ae ka makuahine, i leona hele pu me kana kaikamahine iloko o ka hale hulahula o na Pilipino, a e loaa mai ana lie ekolu dala no ka po hookahi, ma ka hoolimalima ana i kana kaikamahine, i hoa e hulahula pu ai me ka poe e makemāke inai ana iaia. Ma na mea hoi e pili ana i kekahi mau kaikamahine e ae, aole ka he ku-o 0 na makua, i ka wa e kii aku ai o na kane i ka lakou mau kaikamahine. Mahope iho nae o ka lohe ana o ka Lunakanawai Quinn i ka moolelo "o ke ano 1 poino ai o kela mau kaikamahine, i kamailio aku ai oia imua o ka makuahine o Amoy, ina ka he mana kekahi i haawiia aku iaia, ina ua kau aku oia i ka hoopa'i maluna o ka makuahine, aole hoi māluna o ke kaikamahine ame kela Pilipino nana i hoopoino iaia. Ma kekahi manawa o kela la, i ae okoa aku ai o John Garcia no kona pili i ka hewa, o ia ka hoopoino ana ia Amoy, a no ia kumu i kau mai ai ka ahā i ka!|>opa'i o kanaha-kumamalima dala maluna ona. No Amoy nae, ua hookuuia aku oia malalo o ka malu o ka makai wahine, Mrs. W. H. C. Campbell, a e noho no kela iaikamahine me kona makuahine, ahiki i ka hanau ana 0 kana keiki. No na Pilipino hoi na laua i hoopoino 1 kekahi mau kaikamahine iho, ua paa laua i ka liopuia, eia nae na hoole no ko laua pili i ka hewa, a ua kauia ko , laua bona he $1000 pakahi. i Maloko oka aha i kamailioia ae ai I kekahi manao, no ka lilo ana o na mai kai kula o kela ame keia apana i poe | hoopakele i na keiki kula, i ko lakou wa e hele ai, a e huli hoi ai no ko lakou mau wahi mai ke kula mai, ma ka hoakoakoa ana ia lakou i kahi hookahi, alaila i hookāhi ka hele like ana me na kamalii nunui. Mamuli o na hana hoopoino lehulehu i ikeia maluna o na kaikamahine opiopio, ua ala ae kekahi manao hoakaka maloko o ka aha o na kamalii, no ka pono e hanaia i kanawai, e kau akU ai, ke ko'iko'i maluna o na makua, a ma', iuna pu hoi o na kaikamahine, aole hoi e hana kapakahi ia, maluna wale no o 'ka x>oe lakou i hoopoino aku i kela mau kaikamahine.