Ka Nupepa Kuokoa, Volume LV, Number 4, 26 January 1917 — PII KE KUMUKUAI O KEKAHI PAI [ARTICLE]

PII KE KUMUKUAI O KEKAHI PAI

Ma Hilo, Hawaii, manua aku nei, ua lilo ka pai a kekahi Pilipino o ka lawe ana mai kekahi haleaina aku o Ah Bam, i kumu e ku okoa aku ai oia imua o ka aha hookolokolo, me ka uku ana i na dala he umi, ma ke ano he hoopa'i, nolaila ua pii ae ke kumukuai o kela pai ■ o elima wale no keneka, ahiki i ka umi <iala. O ka moolelo e pili ana i ka hana i pii ai ke kumukuai o kela pai, penei no ia: Ma ka la 16 iho nei o* keia mahina, i kekahi Pilipino o Enfenio ka inoa o ka hele ana aku maloko o ka haleaina o Ah Sam, he wahi no i maa iaia i (|a hele malaila e ai ai, ua lalau akui l*. eia i kekahi pai nona ke kumukuai he elima keneka, me ka manao paha o kela Pilipino, aole oia e uku i ka pai. Ma kekahi 4a mai nae, ua hoea hou aku la ua Pilipino nei maloko o ka haleaina no ka ai ana, a he tikiki ai hoi kona tna kela haleaina, nolaila ua lawe ae la ka ona nona ka haleaina, he elima kēnekn mai ka huiua ae o kela tikiki, no ka uku ana i ka pai i laweia mn kt ia aku mamua, a o keia ke kumu o ka pilikia. No kela, hana mq. ka aoao o Ah ua piha lo& ka IMlipino i ka huhu,' me kona ku'-=e aua aku i kela hana ma ka aoao o ka ona nona ka haleaina, aka nae ua hoiHeike mai la o Ah Bam i ka hoopaaia ana maloko o kana buke, kela pai i laweia, a mamuli o ka huhu loa o ka Pilipino, ua lalau okoa ia fiku ka buke Ah "Sam a haehaeia eia, ano ia hana hoi i pii ai huhu oAh Sam, a hele okoa ae la oia e hoohiki i palapala hopu e ku-e ana i ka Pilipino. Ma ka manawa i laweia mai ai ka hihia o kela Piiipino imua o ka aha a ka Lunakaaawai Wise, he ekolu mau maheleolelo i hoohikiia i maopopo ai na ike ma kela amekeia aoao, a o ka hopena i ikeia, o ia no ka pili ana o ka mea i hoopiiia, i ka hewa, a kauia mai la ka hoopa'i o umi d&la ( maluna ona; nolaila ua pii m«oU ke kumuUuai o kela pai. < .