Ka Nupepa Kuokoa, Volume LV, Number 4, 26 January 1917 — Nuhou Kuloko [ARTICLE]

Nuhou Kuloko

E hoomanawanui mai no e na makamaka no na naanao i hoounaia mai i keia keena, i hoopuka ole ia aku maloko o ka nupepa nei, mamuli o ka piha , loa, aka, e hoopukaia aku ana no nae | ke loaa kahi kaawale. Mahope iho o ka noho kumukula ana no ke kula o Kahakuloa no kekahi mau makahiki ae nei i hala, i waiho aku al : c ilr. William Hoopii i kona kulana, a ke Jiuli mai nei ke Kahukula Nui Kinney i isani ma kona wahi i keia manawa. He lono kelekalapa ka i loaa mai ia Mr. Henry o'Sufliyan, no ka make ana mai nei o koua makuakane ma E1 Centro, Kaleponi.. a ma ka mokuahi Sibferia i loaa mai ai ka leka a kona makuakane i kakau ai mamua o kona make ana. O na kii i pa'iia o na haumana o La'hainaluna, ma ka halawai i malamaia mauka ae nei o Kapalama, ma ka la KariBimaka i hala, ua pau i ka paa, e loaa no ma ka lima o ke kakauolelo o kela aliahui, i ka poe apau e makemake ana, no ke 60 keneka.

Ua hoike ae nei na nupepa Kepani 0 Honolulu nei i ka lokahi ana o kekahi mau kahunapule Kepani, a ua a'o aku 1 na Kepuni apau, e hoolilo lakou i ke Sabati i la no ka hoomaha ana ame ka hoano ana, a e waiho aku i na hana hakihaki Sabati apau. Mamuli o ka hele ana me ka pepa noi dala, no ka halepule ma Puuloa, ma ke ano imi loaa ma kā hoopunipuni, i paa ae ai o S. Lono Kaiaiki i ka hopuia, a ma ka Poaono aku nei i hala i hookolokoloia ai oia, a hoopa'iia he elua maliina e noho ai maloko o Kawa. Ma ka nolio ana ae o ka papa loio Hawaii e noonoo i ka inoa o ka mea a kela papa e kakoo aku ai i pani ma kahi o ka Lunakanawai Clemons i waiho mai i kona kulana maloko o ka aha federala maanei nei, i kakooia aku ai ka inoa o ka Loio Amerika S. C. Huber no ka hoopiha ana aku i kela makalua. Ma ka hora ehiku me ka hapa o ka po o keia Poakahi ae, e noho ana ka halawai a na Lahainaluna, ma ka home o W. C. Aehi, mauka ae nei o Kapalama, a ua ake nui ia na haumana ma Honolulu nei e hoea ae ma ia halawai, no ka noonoo ana i kekahi mau hana ano nui no ka hooneemua ana no keia makaliiki.

Ma ka Mauna Loa o ka Poalua nei i hala aku ai ka Rev. S. K. Kamaiopili no ka Ahahui Euanelio o na Mokupuni o Maui, Molokai ame Lanai, i noho mai nei ma ka Poakolu aku la, a e hoea aku aua oia no Hilo ma ka la 27 o keia mahina, a *iai Hilo ae no Kohala, no ka ahahui euanelio mokupuni o Hawaii, e noho ana ma ka la 30 o lanuari a ka la 3 o Feberuari. Ma ka auwina la o ka Poalua aku la i hala i laweia mai ai he Paele mai Waliiawa mai, no ka hoopaa ana maloko o ka halewai, malalo o ke kumu hoopii, o ia kona hou ana aku i kekahi koa Paele me ka pahi, ma ka Poaono aku nei nao, ua hopuia oia no ke kuai waiona me ka laikini ole. He koa Paele kahiko kela, ua pau nae kona noho ana iloko o ka oihana koa, a he kiakaa otomobile kana hana. Ma ka hora elima o ka Poaīua iho nei i pauaho mai ai o Mra. Emma Onokeia i keia ola ana, a ma ka auwina la o. keia Sabati iho e malamaia ai kona anaina hoolewa anai ke keena kupapa'u aku o Manuel Silva. Ua hoea mai kona hopena iloko o ka manawa pokole loa, me ke kaama'i mua ole, oiai he ikaika no oia ma na manawa e ae, a ma kela la wale no i ano e ai, ahiki i kona haalele ana iho i keia ola ana. No ke ahewaia ana o kekahi wahine i maa i na hana o ka apana o Iwilei, a i mare hoi me kekahi kane Paele, imua o ka Lunakanawai Ashford ma ka Poalua nei, i kauia ai ka hoopa'i maluna ona, e nolio maloko o ka halepaahao no ka manawa o ewalu mahina. O kona hewa, o ia no kona hoowalewale ana i kekahi mea o T. F. Turner ka inoa, a aihue aku la he kanakolu a oi dala mai iaia mai, me kona kipakuia ana e ku a hele mailoko mai o ka hale. Ma ka hora umi-kumamakahi o ke kakahiaka o keia Sabati iho, lanuari 28, e malama ae ana ka Hoomana o lesu Kristo o ka Poe Hoano o na La Hope nei i Hooponoponoia, ma ko lakou luakini mawaho ae nei o Koula, he anaina no na kanaka Hawaii. E malamaia ana na hana hoomana apau ma ka olelo Hawaii, no ka manawa mua loa ma ka moolelo o kela ekalesia, a ua wehe hamamaia kona mau ipuka i ka lehulehu, no | ka 'hele ana ae e hoolohe a e ike i na ! hana o kela la; a ma ka hapalua o ka hora ehiku o ke ahiahi ana iho, ma ka olelo Hawaii no na lawelawe hana ana apau. O ka himeni kekahi mau mea maikai e paneeia mai ana imua o ka lehulehu ma kela mau anaina a elua.