Ka Nupepa Kuokoa, Volume LV, Number 9, 2 March 1917 — NA LONO LIKE OLE E PILI ANA I KE KAUA MA EUROPA [ARTICLE]

NA LONO LIKE OLE E PILI ANA I KE KAUA MA EUROPA

MADKID, Feh. 22.—l'a hoea mai ia> nei me kona poe apau ke kuhina Amerika i pau Geraril i keia La, ma kona alahele e hoi aku ana no Ameiika. L'a hnlaw.ii aku me ia na elele aupuni mai ke keena aku o ke kuhina Sepania o ko na aina e a e ke kuhina Ameiika AYili lard. Hooplholoia he Mokuluu Keiemania KOSTON, Feb. 27.—X:i kekahi mau mokuahi i ku mai i kein awa ma ka la aku la i nehiaei mai Europa mai i lawe mai i ka nuhou e pili ana i ka hoopiholoia ana o kejcahi mokuluu Kelemania e na moku topido Pukiki mawaho ae o ka Lae St. Vineent. Ua holoaia ka mokuluu me kona ko-lu a pau i ka opu o ka noaiia. He 14 Poe i Ma>ke Iloko o ka Mokjiea BERLIN, Feb. 2(3.—1 kulike ai me ka hoike a ke kuhina kaua a i hoolahaia ae .maanei i keia la, he 14 poe i make mai nei i keia la i ka wa i kiia ae ai kekahi mokuea Palani nui e na Kelemania me na pu ki mokuea mai na papn ae a haule iho ilalo a nahaha. Mlkaukau na Moku e Holo me ka Pu XEW YORK, Feb. 20.—lna e hoamanaia aku ana ka Peresidena Wilaon e ka ahaOlelo e hoolakoia na moku kalepa ekau ana i na hae Ameiika, e nui ana na moku i hoopaaia maanei e liolo koke aku ana me ka hoolakoia me na pu. O keia ka hoike a na luna nui o na hui mokuahi i keia la. Hookuuia na Amerika i Hoopaah&oia Ai WASHINGTOX, Feb. 20.—0 ke kuhina Ameiika Willanl o Madrid ka i kelekalapa mai nei i keia la no ka lioikeia ana aku iaia e ke kuhina Sepania, ke kuhina nana e nana mai la i ka Ameiika mau hana maloko o Kelemania o nn luina Ameiika he kanahiku-kumamalua i paaia ai ma ke ano he man paahao i laweia aku ai maluna o ka moku pio Yarrowdale ua hookuuia mai. Kauaia, ke Kapakai Hikina o Enelani WASHINGTOT\, Feb. 2G.—He kaua hikiwawe a pokole loa ka i hanaia e na moku topido Kelemania ma ke kapakai hikina o Enelani i keia la, ma na hora kakahiaka nui loa ka hoea ana aku ua mau moku topido la mawaho mai o Brastairs, a ki mai la i kekahi mau poka i ka aina. He wahine me kekahi keiki na mea i make a he elua mau mea e ae i hoehaia. Leliulehu na hale i nahpha, elike me ka lioike a Bonar Law i ka hale o na lunamakaainana nia ke ahiahi ana iho. Nahaha ka Laina a na Kelemania i na Keiki o Pelekane LONDON, Feb. 2,7.-1 kulike ai me kia hoike i hoopukaia ae e ke keena kaua Pelekane ma ka po i liala, mai ka wa'mai o 'ka hoopaa ana a na pualikoa nui elua i ke kaua maloko o na auwaha wale no ua kaa i na pualikoa a na Pelekane e kaua ana ma ka akau aku o ka Muliwai Ancre ka lanakila ma ke kahua kaua ma ka hapa komohana. Ua nahaha ka laina pale a na Keleinania he umi-kumamakahi mile ke ākea a hoauheeia aku na Kelemania ihope ma kahi elua mile ka loa a ke mau la no ke emi awiwi loa ana aku a lakou ihope, e hiki ole ai i kalii mea ke ike maopopo i nei mana\va i ka hopena. 0 kela ke kaua lanakila nui hookahi i loaa i k.ekahi pualikoa i ka la hookahi iloko o elua ame hapa makahiki o ke kaua ana ma ke kahua kaua o ka hapa komohana, a ua oi aku no uiamua o ka mea i kolio. pololei loa ia i nei manawa. Hookahi o na .mea i manaoioia e ka lahui maanei, oia hoi ua paa ka manao 0 na Kelemania e hoihoi i ke kikowaena o ka lakou hooikaika ana i ke kaua maluna o na mokuluu no ke ku-e ana aku ia Beritania Nui, a aole lakou e hoao ana e kupnle mai me ka ikaika elike m'e ka na koa Kelemania e kaua mai la maluna o na kahua kaua o ke Somme ame ka Ancre. «, O kekahi mea a ka poe kilo o ka oi- | hana kaiia i hoakaka ae ai i keia la, oia hoi ua nahaha ka ikaika pale a na Kelemania ina ka hapa komohana mahope o' kii palukuluku mau ana aku a na koa a na Aupuni Ilui maluna o lakou, a un ike na aliikoa i' ka hiki ole 1 ka lakou mau koa ke hoaano mai i na pualikoa a ke Kenerala Douglas Haig, elike me ka ikaika ka'i mai imua me ka mnlie a lakou mamua. Ua manaoia he mau laina pale hou ka na Kelemanin i hoomakaukau ai aia aaahope aku ma ka hikina ae o Arras ame Cnrhrai ,e haalele loa mai ana ia Bapaume iloko o na lima o na koa Pelekane. Ma ka nann ana iho i ka palapala aina e ikeia ai ka hopena o ia hoonee kaua ana. O ka mea mua 0 na laina holookoa a n'a Kelemania ma ka akau aku o Arras kahi a lakou e pio ai no ka hikina, e hoopuiiiia aku ana e ha. Pelekane'a e hiki. wale ana no ia wahi ke paaia e lakou me ka makolukolu nae o na ola e make o kā hookuu okoa wale aku no i na koa Pelekane e komo aku ka porto. ; ' Ma ka hema ae e lilo ana ko lakou eaai ana ae ihope i hana oi aku o ka poino no lakou. Ma ka hema ae o ka laina e paaia mai la e na Pelekane aia ! n'a koa Palani ke palukuluku ae la me ka ikaika ma na laina a na Kelemania ma kahi kokoke i St. Pierre Vaast, kahi a na Kelemania i hana ai i kekahi mau papu ikaika loa roa ke kahua holookoa o ke Somme. Ke emi hope na Kelema-

nia ma ka nkau aku o St. Pierre he haawi ana mai ia ia wahi e hoopuniia aku e na Palnni e hiki ole ai ke paa ia wahi, a e lilo ana ka haule pio ana mai o ia wahi i kumu e emi hope aku ai ka laina holookoa a na Kelemania mai ka apana aku o Peronne St. Quentin, me he mea la e holo ana ahiki i Roye, kahi 0 ka laina kaua loihi i lioomaka ai ka huli aha i ka hikina ahiki i Noyon a*e Soissons. Aole o ke kaua lanakila wale no ma Ancre ka i hoikeia ae ma ka po nei e ke keena kaua. Ma ke Awawa o ka Muliwai Tigris kekahi, .kahi o na koa Pelekane i luku a i lioopioia ai ma na la mua o ka hoomaka ana o ke kaua, ma ka lono i .hoikeia mai o lakou kekahi e ka 'i mai la imua me ka hoauheeia mai o na Tureke ihope a lilo aku ke kulanakauhale o Kilt-el-Amara, kahi no kekahi mau rtiahina i halawai ai na Pilekane me na popilikia, a i keia manawa nae ua lilo aku la i na Pelekane. He lanakila kela i loaa aku la niahope o ka hoomau ana i ke kaua no ke« kalii mnu mahina loihi, he kaua i komohia kukonukonu ai na koa Pelekane iloko o na pilikia makolukolu, komo pu me ka hahaua o ka wela ame na wai halana. Ma ka po nei i hoolahaia ae ai e Bonar Law kela lanakila ana niai la n na koa Pelekane, ma kana olelo ponoi o ka lioike ana aku mamua o ka liale o na lunamakaainana mu ke ahiahi nei, a wahi hou ana aia na Tureke ke anhee mai la ihope noloko o Bag«lad, ka pahuhopu a ke Kenerala Townsen<l 1 imi nui ni e hoea na koa Pelekane ilaila, a i lilo ai ko lakou hoopioia ana i hana e holopono ole ai ka lakou mau ! mea i lioolala ai.