Ka Nupepa Kuokoa, Volume LV, Number 11, 16 March 1917 — Nuhou Kuloko [ARTICLE]

Nuhou Kuloko

He halawai kuikawa ka ka Uniona o na Poola e malama ae ana maloko o Kahiliaulni Hall ma ka hora 7:30 o keia ahiahi elike me ka lono i hoikeia mai. I kulike ai me kekahi lono lauahea, o Mr. David K. Kahaulelio, ke holo moho mai ana ma kela aoao kalaiaina, no ke kulana Meia no ke Kulanakauhle, a Kalana o Honolulu nei. Mawaho ae nei o ke kahua paani o ke kula o Punahou e malamaia ai na lealea like ole o na hana hooikaika kino, I ma ka hora ekahi me ka hapa o ka auwina la o ka la apopo. Ma ka mokuahi Great Norhern e huli hoi aku ai no Kapalakiko ma keia la, e kau aku ai ka hui kinipopo o Portland, mahope.iho o ka hoohala ana o kela hui ma Honolulu nei no kekahi mau pule. Ma kekahi wahi o keia pepa e puka aku nei, e ikeia &i na rura no ka liimeni hookuku o na Kula Sabathi, e malamaia aku ana, ma keia kau e noho mai ai o ka ahahui paeaina, ma Honolulu nei. Ua awaiauluia mai nei ma ka f>erita inaemae o ka mare o Miss M. Kamahoa Kaleo ame Charles Keeaumoku Amalu ma Kapaa, Kauai, e ka Rev. I. K. Kaauwai ma ka Poaha o ka pule i hala. Ma ka home o ka Rev. S. K. Kamaiopili i hoohuiia ae ai ma ka mare o Lionel R. A. Har{ me Miss Juanita Beckley. 0 na hoaloha kakaikahi wale no o ka paamare ka i hoea ae nia kela anaina. Ua 'hoalaia ae nei he aoao kalaiaina hou, ma ka inoa ka Aoao Kalaiaina Lahui, a ua waihoia aku imua o Kakauolelo Kalauokalani ke kahuahana o kela aoao kalaiaina, me na lala o ke komite kalana. Imua o na hoa o ka ahaolelo kuloko, imua hoi o kekahi anaina nui o ka poe makaikai i hookahakaha paikau ae ai na pualikoa kiai lahui o Honolulu nei, ma ke kakahiaka o ke Sabati aku la i hala. Iloko o ka aha hoomalu ma ka Poalua nei i «hooloheia ae ai ka hoopii a kekahi Pake, e ku-e ana ia W. Miles, no ka uku ole aku i na dala o na meaai i hoolakoia aku i na Demokarata, ma ke kua hakoko kalaiaina aku nei i hala. Iloko o ka aha senate ma ka Poalua nei i waihoia ai ma ka papa, ka bila e hoihoi ana i ka mana hookohu i na lunakanawai apana iloko o ka lima o ka lunakanawai kiekie, nolaila aia aku la no kela maiia hookohu i ke kiaaina o ke Teritore. I i

Maloko o ka liale o na lunamakaainana ma ka Poakahi nei, i hooholoia ai ma ka lieluhelu ekoluia ana, ka hoonoa ana i ka amaama, ma keia nua aku, aka nae, ua hooholoia ka bila e hookapu ana i ka lawai'a ia o ka papa'i ame ka ula i ka manawa hanau hua.

Ke hookokoke mai nei ke kau koho haloka wae moho o na luna oihana Kalana, a pela hoi me na luna oihana Kulanakuhale a Kalana o Honolulu nei, a he nui a lehulehu wale o na moho o Maui ame Hawaii i waiho aku i ko lakou mau palapala holo moho, me ke ka kauolelo kalana.

Ma ka huakai aku nei a ka mokuahi Kilauea no Hilo, ma ka Poaono i hala, i halawai ai kela mokuahi me ka ulia ma Hilo, mamuli o ka pa-hu ana o kekahi paipu mahu, me ka hooka'ulua ia o kona ku ana mai no Honolulu nei a hala kona tnanawa maamau. O ka Mauna Kea «£a i holo aku no Hilo ma ka Poakolu nei.

Ua hookahahaia mai ka manao o ko Honolulu nei poe i ka "waiho hou ole ia ana ae e ka Peresidena Wilaon, ka inoa o Konela laukea, no ke kulana kakauolelo o keia Teritore, ma ka manawa a ka Peresidena i hoouna ae ai 1 na inoa o kekah» poe lehulehu, no ke pani ana ma na hakahaka o na kulana oihana ma Hawaii nei, ma keia kau kuikawa o ka ahaolelo.

Ma ka Poalua nei i hookomo aku ai ka Lunamakaainana Kelekolio iloko o ka hale o na lunamakaainana, he olelo hooholo, e noi ana i ka elele lahui e hoololi ae i ke kanawai kumu, ma kahi e pili ana i na la o ke kau ehaolelo e no-ho ai T mai ke kanaono la a i ke kanaiwa la, me ka hoomahuahua pu ia ae o ka uku o na hoa o ka ahaolelo i eiwa haneri dala. i

Maloko o ka aha senate ma ka auwina la o ka Poakahi nei i hookomo aku ai o Senatoa Shingle, he olelo hooholo hui maloko o ua olelo hooholo la, e noi aku ana ia i ka ahaolelo lahui, e hoo■holo mai i ka bila, i hookomoia aku e ka Elele Kuhio, no ka haawi ana mai i ka mana i ka ahaolelo kuloko, e waiho aku ai i ka ninau koho baloka o na wahine, imua o na makaainana koho haloka.