Ka Nupepa Kuokoa, Volume LV, Number 13, 30 March 1917 — KE KIAAINA ME KA AHAOLELO KULOKO [ARTICLE]

KE KIAAINA ME KA AHAOLELO KULOKO

Aole paha he kau o ka ahaolelo kuloko i ikeia ai na manao ku-e i ke Kiaaina elike la me kēia kau, a ūa hookaakaaia aku hoi na maka o na solona kankanawai, no na keehina pono a lakou e hana aku ai, ma na ninau apau i pili i ke kuleana o ke Kiaaina, mamuli o na mea oiaio i hanaia o ka wa i hala, ma ka aoao o ke Kiaaina. He wahi hana hookahaha, a hoohuoi ka Kiaaina Pinkham, i hana mai ai i na hoa o ka aha senate, niamuli o kona waiho ana mai, i hookahi wale no inoa no ke aponoia aku o ka hookoliu oihana d hanaia eia, a koe aku no kekahi mau hookohu oihana e ae; a ua kupono ko ke senate hoopaneenee ana i ko apono ana aku i ua hookohu oihana la, o hoea xaai auanei i ka manawa, e kani ai ka aka ma ka aoao o ke Kiaaina, no ka mea ua ko ae la no kana mau mea i manao nui ai, a he hana hiki no iaia ke hookohu aku i ka poe apau ana i makemake ai, mahope aku o ka hookuu ana o ke kau o ka ahaolelo. Aia he mau luna aupuni, e noho ana ma ke poo o kekahi mau keena oihana lehulehu o ke leritore i pau ko lakou manawa o ka noho oihana ana; a no ka poiolei nei. e waiho mai oia i ka inoa o kela poe apau i ka manawa hookahi; a i ole. i kekahi mau inoa okoa ae paha, mawaho o ka poe e noho mai nei; i makemakeia eia, a na ka aha senate e apono aku, a e apono ole aku paha, ma ka hana ole ana mai nae o ke Kiaaina pela, aia kekahi mau kumu hoohuoi, no kona «aka'u a hopohopo i ka ahaolelo, ke hoouna mai i mau inoa hou, no ke pani ana i na makalua ona poo o na keena, e noho mai nei i pau.ko lakou manawa. Ua hiki ke hoomaopopoia aku ko ke Kiaaina makemake ole i kekahi mau poo o na keena oihana, oiai aole oia i hookohu hou aku i kekahi o lakou, i ka manawa i pau ai o k'o lakou mau hookohu mua, oiai he mana iaia ke hana pela, malia ua maka'u oia no ka noho mai o ka ahaolelo; nolaila ua ili iho ke ko'iko'i maluna o ka aha senate, ke koi ana aku i ke Ēiiaaina, e hoouna *iai i ka papainoa o-kana poe i makemake ai e hookohu; aole hoi e lilo i mea paani wale ia mai eke Kiaaina. O kela hoolilo ia ana o' ka haawina dala a ka ahaolelo i -hookaawale ai, no ke kokua ana i ka poe nele, malalo o na hoolilo ana a ka oihana hoopae limahana, a i hooliloia aku no ka hanai ana i na Pilipino ame kekahi mau lahui e ae oloko o ka oihana koa, elike me ia i hoakakaia ae ai e ka Mea Hanohano Holstein, i hanaia e ke Kiaaina, o kekahi ia o na hana e pono ai e ikeia as ka mea oiaio, a e holo aku hoi na ahewa ana maluna o ka mea kupono e aJiewaia; aole e pono e noho mana mai ke Kiaaina, ma na hana apau, i hiki ai iaia ke hoohana aku i kona mana, me ka nana ole mai, he mana hou ae kekahi, i hiki ke hooke aku iaia a pili i ka paia; ma keia mea ua pono ko ka ahaolelo ku ana ae a kuhikuhi aku i ke Kiaaina i ka mea pono ana e hana mai ai. :o: Ke hookokoke loa mai nei ke koho baloka wae moho o na luna oihana o kc Kulanakauhale a Kalana o Honolulu nei, eia ihea na molio kahi i pee ai, me ke lni oie mai imua o ke kahua mokomoko i keia manawa, oi akea ke kahua nc ka paani anal ... • — - --