Ka Nupepa Kuokoa, Volume LV, Number 13, 30 March 1917 — Nuhou Kuwaho [ARTICLE]

Nuhou Kuwaho

LOXDON, Maraki 28—Ma ka po aku la i hala i hoikeia mai ai ianei e ke kuhina kaua ka make ana o hookahi kanaka hana ame ka hoehaia ana o eiwa kanaka i oi aku a emi mai ka hoehaia ana mamuli o ke pahuia ana 0 ka halehana poka nui ma ka akau o Enelani ma ka auwinala o nehinei. Aohe 1 koikoi loa ka poino i hanaia. WASHINGTON, Maraki 27—He palapala hoopii mai na kanaka hana mai o Belegiuma no ke kokua ana aku ia lakou mai na lahui aku i komo ole i ke kaua ka i hoolahaia ae e ke Kanikela Belgian maanei. E hoakaka ana ka palapala hoopii he 500,000 i hoonele ia i ka hana mamuli o ke kanawai a na Kelemania i kau ai, "e kakau lakou i ko lakou mau inoa ma kekahi aelike no ka hana ana maloko o Kelemania a i ole pela e laweia aku no lakou ilaila ma ke ano he poe kauwa." Ma ka olelo a na papa o na limahana ua hooweliweliia mai lakou no ka lilo aku i poe kauwa ma kekahi aoao a i ka make hoi i ka pololi ma kekahi aoao.

GALVESTON, Texas, Maraki 28—Ua hoikeia mai i ka Agena ;a Lloyd maanei ma ka po aku la i pau ana mai nei i ka aia e ke ahi o kanalima kaukani kukaa pulupulu maluna 0 na uwapo ma Vladivostok. Oka pulupulu nona ka waiwaiio i kauia ma ka umi miliona dala, ua hoike ia mai ka aia ana e ke ahi. ' LONDOX, Maraki 27—He hoolaha ka 1 hoopukaia ae i keia la he elua mau moku wawahi topido Pelekane i hoopiholoia maloko o na kai i kaupalenaia no ke kaua, hookahi i hooku'i me ka maina, a o kekahi mamuli o ka hookui ana me kekahi mokuahi.