Ka Nupepa Kuokoa, Volume LV, Number 13, 30 March 1917 — LOHEIA NA MANAO NO KE KANAWAI KULANAKAUHALE [ARTICLE]

LOHEIA NA MANAO NO KE KANAWAI KULANAKAUHALE

Maloko o ka papahele o ka hale o na lunamakaainana, a imua hoi o ke komite o na lunamakaainana o Oahu nei, no ka noonoo ana i ka bila kanawai Kulanakauhale hou no Honolulu nei, ma ka po o ka Poaha aku nei o ka pule i hala, i loheia ae ai na manao hoakaka o kekahi poe» lehulehu, a ma na mea i hoomaopopoia aku ; mamuli o ka nui o na manao ohohia o ka poe ,apau i hoea ae ma kela po, aia ka nui o na makaainana, maliope o ka bila, i hookomoia aku iloko o ka ahaolelo i keia mauawa, me ka makemake ole, i na hoololiloli ana, elike me ia i makemakeia ai e ka Ahahui o ka Poe Kalepa. Ua hele maoli ke keena o ka hale o na lunamakaainana a piha i na kanaka he piha hoi i hoalaia aku mamuli o ka manao ana o na lala o ka Ahahui Kalepa, o lakou ka oi, ma ke ka'i auma ana imua o ka aha senate, ua like nae ko lakou nui me he mea ole la, ke hoohalikeia ae, me ka poe, ma ka aoao e ku-e ana ia lakou, iwaena o na makaainana. . Ua hoea ae no kekahi mau lala o ka Ahahui Kaiepa ma kela po, a ua loheia no' ko lakou mau manao hoakaka, a pela no hoi me kekahi mau makaainana e haawi ana i ka lakou mau kakoo ana mahope o ka bila i hooholoia e ka aliaelele hana kanawai kulanakauhale, a o ka bila no hoi i hookomoia aku iloko 0 ka hale o na lunamakaainana i keia kau. Uā pioo maoli ke ano o kela halawai, no ka mea i ka wa a kekahi e kamailio ae ai, a kulike ole me ka manao o ke> kahi poe, e loheia ana na leo walaau, aliiki i ka pioo maoli ai\a o ka lunahoomalu o kela komite, oia ka Mea Hano» hano \Vilder me ka maopopo ole o kana mea e hana aku ai. Ma ka aoao e kakoo ana i na hoololi a ka Ahahui Kalepa i manao ai, e hookomo maloko o ka bila, e laa ka lilo ana na ka meia, e hookohu aku i kekahi mau luna oihana kohoia e ka lehulehu, ua hooikaika o Mr. Chaa. Aehi, W. F. Frear ame W. L. Smith, e hoikeik* aku i ka maikai o ka hoololi i manaoia eia nae, imua o kela anaina, me he mea la, o kekahi ia o na hoololi i ku-e loa ia. * Ma ka aoao o na poola, ame ka hui uniona o na poola, ua hoikeike ae o J. Cohen, ka moho e alualu nei i ke kulana Meia, i kona hoea ana ae ma kela halawai, no ka hoakaka ana aku 1 ka makemake o na poola. Wahi ana, ho lala oia no ka Ahahui Kalepa o Honolulu nei, eia nae aole i kulike kona manao me ko na hoa o keia ahahui, ma kahi e pili ana i ka hoololi i manaoia, aka \ia lokahi kona manao me ko na poola, e kokua i ka bila kanawai i hookomoia aku iloko o ka hale, a o ka lakou wale no i makemake ai e hoolou ma kahi e pili ana ī Konoia o ka lunanui o na hana hou, a ma ia wahi e hookohuia oia. Ua nui a lehulehu maoli ka poe i lioakaka ae i ko lakou manao, o kekahi poe, e kakoo ana i ka bila kanawai, o kekahi poe hoi, e hoole ana i ka hana ana i kekahi mau 'hoololi i ke kanawai kulanakauhale e ku nei i keia man&wa, a o kekahi poe, e hoololi ana i ka bila kanawai, a i ke kanawai hoi e ku nei i keia wa. O ke kulana o na hoa lunamakaainana o Oahu nei, maluna o kela bila kanawai, aia ka hapanui, ma ka aoao e kokua ana i ka bila i hokomoia aku iloko o # ka hale ona lunamakaainana, me he aaea la nae, e waihoia ae ana he elua mau hoike e kela komite, ma ka manawa e makaukau ai ka hoike, maluiia o ka bila kanawai kulanakauhale i manaoia no Honolulu nei.