Ka Nupepa Kuokoa, Volume LV, Number 16, 20 April 1917 — HALAWAI HE KEPANI ME KA MAKE ULIA [ARTICLE]

HALAWAI HE KEPANI ME KA MAKE ULIA

Malalo ae nei o Puuloa, ma ke kakahiaka o ka Poakalii aku la i hala i halawai ae ai he Kepani limahana, me ka make ulia mamuli o ka pa pono ana 1 kekahi kua laau nui ,a pakele mahunehune mai ke ola o kona mau hoa e liana pu ana malaila, eia nae ua loaa he mau eha kukonukonu loa maluna o lakou, e hala ai: he manawa loihi o waiho ai i ka eha ,mamua o ka hiki ana ke hele lioloholo. E hana ana kela, Kepani me kekahi poe e iho maluna o ke kao eliawa, a iloko o ko lakou nanea, o ka manawa iho la ia i haule mai ai o kekahi kewe nui a pa i na kua laau, a hiolo iho la a loaa pono kela poe limahana. Ua pa pono ke Kepani i make i ke kua laau, a haule aku la oia iloko o ke kai, a o ka nui o ka eha iaia, ke kumu hiki ole ke hapapa ae i wahi e pakele ai ke ola; a no ka nui iho hoi o kona mau hoa, ma ka oleloia, ua haki ka lima o kekahi Hukini, a pela hoi ka loaa ana lie mau pala-pu kukonukonu maluna o ko lakou haku hana. Ua hoihoi loa ia mai ke kino o ke Kepani i make no ke keena waiho kupapau o Williams ma kela la no, pela hoi ka poe i eha, i hoihoiia mai ai no ka Halema'i Moiwahine.