Ka Nupepa Kuokoa, Volume LV, Number 16, 20 April 1917 — HOOKIPAIA KA MOKUAHI MAUI ME KE OHOHIA Apoia Aku Keia Mokuahi Malihini Hou me na Manao Makee e Koonei Poe [ARTICLE]

HOOKIPAIA KA MOKUAHI MAUI ME KE OHOHIA

Apoia Aku Keia Mokuahi Malihini Hou me na Manao Makee e Koonei Poe

Iloko o na hookipa ulumahiehie, a ko Honolūlu nei poe i hoomakaukau ai, i apoia aku ai ka mokuahi Maui o ka Hui Mokuahi Matson, e ka lehulehu o na makaainana o keia kulanakaujiale, ma ke kakahiaka o ka Poalima aku nei i hala. Elike me na hookipa i maa i na mokuahi hou e kipa mai ana no keia awa, pela iho la i hanaia aku ai, i keia mokuahi hou, o kela laina mokuahi, e laa ka poe au, ka auwaa Hawaii, na moku liilii, na komite hookipa me na lei, a pela hoi ka hoohanohano pu ana mai o ka bana puliiohe ame na haneri o ko Honolulu nei poe, e hoike aku ana, i ohohia, no ke apo ana mai i keia mokuahi hou. Ma ka manawa i hookomo mai ai ka mokuahi Maui noloko nei o ke awa i hoomaka ai na oeoe o na mokuahi, ame na hnle hana e kani olowalu, he hoailona no ka 'haawi ana aku o ko ka aina nei poe i na manao aloha no ka mokuahi malihini. Ma ka hora ehiku o kela k'akahiaka Poalima, i kalewa ae ai ka Maui mawaho ae nei o ka nuku o ke awa, a maLope iho o ka nana ana a ke kauka i na ohua oluna o ka moku, i pii aku ai

na komite hooklpa, ame na akena o ka | hui mokuahi maanei nei, a pahola aku ila i na manao hookipa o koonei poe | imua o ke kapena ame na aliimoku. Ma ka aoao o ke kulanakauhale neL o Honolulu, ua haawi aku ka Meia Lane i kekahi haiolelo pokole imua o na aliimoku, e hoike aku ana i ke apo ana aku o keia kulanakauhale, i ka malihini hou me na manao ohohia, he mau olelo hoi i panaiia mai e ke kapena o ka moku, ma ka hooia ana mai e lilo mau oia i hoaloha no Hawaii nei. I ka hookomo ana mai o ka Maui no ke awa ponoi nei, o lta manawa ia i hui aku ai o na waa e lana ana mawaho mai o ka hale ipukukui, oiai hoi na pila e kani ana, me ka piha ohohia nui, i nana mai ai ka poe oluna o ka moku i na hana apau e lawelaweia aku ana e koonei poe. I ka pili ana mai hoi o ka Maui ma wa uwapo, e kakali aku ana he m«u haneri o na kamaaina, a malaila ka bana puhiohe kahi i noke aku ai i ka paani i na mele hoonanea imua o na malihini ame na kamaaina pu. O ka mokuahi Maui, ka mokuahi nui hookahi o ka Hui Mokuahi Matson, i hoea mai no Hawaii nei, he nui oia ma kona mau tona ukana, a pela no hoi me.ka heluna o na ohua, a ma na ano apau, he mokuahi keia i hanaia a 01 ae kona kupono i ko na mokuahi e ae, o kela hui, a ua hiki aku hoi kona mau hoolilo; ma kahi 0 ka elua miliona dala. EL PASO, Aperila 12—Ua kiia mai kekahi niau koa kiai Amerika e kiai ana ma ka mokuna aina e ka poe Mekiko kipi ki ma-lu i keia ma kahi he kanakolu-kumamalua mile ma ka hema aku o aei. Hookahi kauaka Mekiko i make ma ka aoao Amerika o ka mokuna aina. Ua panaiia aku e na koa Amerika kela kiia ana mai.