Ka Nupepa Kuokoa, Volume LV, Number 16, 20 April 1917 — PALAHE KA LIMA I NA HUILA O KE KAA [ARTICLE]

PALAHE KA LIMA I NA HUILA O KE KAA

Oiai e hele ana maluna o ke alahao o ke kaa uwila, ma ka uwapo ma Haaliliamanu ae nei, ma ka po o ke Sabati aku la i hala, i kapeke ai ka hehi ana a kela koa, a haule mawaena o na kua o ke alahao, a oiai kekahi lima e puliki ana i ke alahao, i ole ai oia e haule aku ilalo, o ka mauawa ia i holo mai ai ke kaa uwila, a pepe kona lima. E huli hoi ana kela ( koa no ka hale hoolulu kaaalii, a no ka hele ana ma ke alahele pokole, ua hoomaka aku la oia e holo ma ke alahao o ke kaa owila me kona maopopo mua ole nae, he kaa kekahi e holo mai ana. Oiai oia iwaena o ka uwapo, akahi no oia a ike aku i ka holo mai o ke kaa uwila, a iloko o kona mau manao pihoihoi, ua kapeke iho la kana hehi ana a haule iho la mawaena o na kua o ke alahao. Ua hoihoi loa ia aku oia no ka halema'i o na ulia poino, a mailaila aku no ka halema'i o na koa, kahi e oki ia ai kona lima, a muumuu.