Ka Nupepa Kuokoa, Volume LV, Number 17, 27 April 1917 — LOAA KE KAA OTOMOBILE I NALOWALE [ARTICLE]

LOAA KE KAA OTOMOBILE I NALOWALE

Laki ka loaa hou ana o ka oto«obile i aihueia ai o ka Bihopa Henry Bond Restarick me ka nahaha ole. Ma ke kakahiaka o ka Poakahi nei i kelepona ia mai ai e Clarence Waterman ame Frank Coombs i ka Bihopa ReBtarick mahope o ko laua heluhelu ana maloko o ka Advertiser no ka aihueia ana o kekahi otomobile Ford Helu 911 mailoko aku o ka halekaa o ka Bihopa, a 0 ua kaa la ua ike laua e ku ana maluna o ke ahua o Waipio. 1 ka loaa ana ae o keia lono i ka Bihopa o kona hoike koke ae la no ia i ka oihana makai, a o ka Makai o na kaa motokaikala Ferry me ka ukaliia e Coombs ka i holo pu aku me ka Bihopa no kahi o ke kaa otomobile i hoikeia mai ma ke kelepona, Ua loaa io aku ua otomobile la ma kahi i hoikeia mai ai me ka mau no o ka niaikai aohe wahi i poino, eia nae, ua hana ka aihue i kahi hana e nalo ai ka helu o ke kaa ma o ka hapala ana 1 kekahi huahelu 1 me ka aila a nalowale, a ke nana aku he 91 wale no ka mea ike maopopoia aku, o ka pololei nae Helu 911. Aohe i maopopo ka piko pau iole nana i aihue, he koho waleia no na kekalii poe koa. O ka mea i manaoia na kekahi o na kanaka opio kolohe o Honolulu nei iho, a ma ka oleloia he mau la wale no ka ko lakou e aloalo ai a paa aku i ka hopu. Kanawai ole no ka poe aihue kaa i ka hoopa'iia ana mai nei o kela mau kanaka aihue kaa otoinobile o Hilo, kela poe na lakou i liolo aku i ke kaa ahiki i Kaluaopele o Kilaueaiki a olokaaia aku i ka pali, a i pau nui mai nei i ka haopa'iia e ka lunakanawai Qninn ma kahi manawa i halg, aku nei.