Ka Nupepa Kuokoa, Volume LV, Number 20, 18 May 1917 — KIPA MAI KA MOKUKAUA KEPANI NO HONOLULU NEI [ARTICLE]

KIPA MAI KA MOKUKAUA KEPANI NO HONOLULU NEI

Ma ke kakahiaka o ka Poaono aku la i hala, i kipa mai ai ka mokukaua Ke]>ani Azuma me kana ukana luuluu a kaumaha, ke kino make o ka Elele (Ambassador) o ke aupuni o Amerika, George W. Guthrie, ma kona alahele moana no Kapalakiko. ' iho o ana 5 ke aupuni o lapana i ke kaui .me na ,au puni o Kelemania ame kona mau' hoa, hc ekolu ae nei makahiki i hala, akahi no he mokukaua o kela aupuni, a komo mai no Honolulu nei, a oiai eia o Amerika iloko o ke kaua i keia manawa, ua apo ia aku ka mokukaua Azuma me na manao maikai e ko Honolulu nei poe, mai ka oihana kaua, a na makaainana. Ina i hoea mai keia mokukaua me kana ukana kaumaha a luuluu mamua ;o ke kukalaia ?ana ae, o ka wehe o ka noho aloha ana o na aupuni o Amerika ame Kelemania, ina he mau la kakaikahi wale no ko keia mokukaua e ku iho ai ma keia awa, alaila hoomau aku i kona alahele moana, aole nae pela i keia manawa, oiai lie hoaliui ke aupuni o lapana me Amerika, ma ka ninau kaua e holopapa nei. I hoike no na manao maikai ame na manao aloha o ke aupuni o lapana, ma o ka Emepera la, i ke aupuni o Amerika, he hana hoohanoliano aku i keleahi luna aupuni koikoi o Ameiika, ka lapana i hana mai ai, ma ka hoouna pna mai i kekahi o kona mau mokukaua, me ka hoouna pu ana mai i kekahi elele, ma ka aoao o ke aupuni, e ukali pu aku i kona kino, a lioea i ka home o ka Elele Guthrie. I ka manawa i ikeia aku ai ka Mokukaua Azuma e hookokoke mai ana i ke awa ae nei, ua lioohapaia, na hae Amerika apau mauka nei o ka aina, a pela na hae o na moku, i hoohapa "pu ia ai, he hoailona e hoike aku ana, no ke komo pu ana aku o na makaainana o Hawaii nei iloko o ke kaumaha, no ka hala ana o kela luna aupuni kiekie o Amerika Huipuia.

Maloko o kekahi o na rumi kapena oluna o ka mokukaua, i waihoia ai ke kino o ka Elele Guthrie, me ka hoohiwa; hiwaia ana oloko o ka rumi me ka liae Amerika, ame na lole keokeo me eleele, a e kiai mau ana hoi he mau koa i kela ame keia manawa. Oiai ke kino wailua o ka Elele Guthrie, maluna o kela mokukaua, e malaoaa mau ia ana lie anaina haipule maluna o ka moku, ma na la Sabati apau, me ka akoakoa ana o na aliikoa, maloko o ke keena o ka rumi ke kino o ka Elele Amerika. Ma ka aoao o ke keena elele o Ameīika mā lapana, ūa ukali pu mai me ke kino wailua o ka Elele Guthiie o Charles J. Arnell ka maheleolelo Kepani a kakauolelo no hoi a,ka Elele Amerika; a ma ka aoao hoi o ke aupuni o lapana, o ka Lukanela Hiroaki 'o ka oihana kaua moana Tamura, ka 'mea i hoounaia mai, no ka ukali pu ana aku i ke kino wailua ahiki i Pitt«burgh, ka home o ka mea i make. No ka wahine kane make lioi, aole oia i ukali pu mai me ke kino wailua o kana kane, aka ua kau oia maluna o kekahi moku lawe ohua, na ka liuli hoi ana no ko laua home. I ka hookoAo ana mai o ka mokukaua iloko nei, a pili ma ka uwapo, ua lioonoho koke ia na koa, no ke kiai ana, a o na luna aupuni wale no, me na kanaka kakau nupepa ke ae ia e pii iluna o ka moku e makaikai ai, a iloko iho nei o keia mau la, i wehe hamama ia ai i ka leliulehu, o ka poe e makemake ana e pii noluna o ka mokukaua. Maloko o Kaukeano, lee anaina haipule i malamaia ma ke ahiahi o ke Sabati nei; he anaina hoomanao no ka Elele Guthrie, i akoakoa ae ai he heluna liui o na Kepani, ame ko ke kulanakauhale nei poe, no ka hoolohe ana i na hana apau e lawelaweia ana ma kela po. Oiai no hoi kela mokukaua e. ku ana maanei nei, ua haawiia he no na aliimoku ame na luina, e hele makaikai ai iuka nei o ka aina, ua haawiia hoi he mau aha hookipa- no lakou, e kouka nei poe, iloko o na manao ohohia. Mahope iho o ka waiho ana aku i kana ukana ma Kapalakiko, e huli hoi hou mai ai kela mokukaua Kepani, me ke kipa hou ana mai no Honolulu nei, mamua, o ka hoomau loa ana aku i kana huakai moana no lapana.