Ka Nupepa Kuokoa, Volume LV, Number 22, 1 June 1917 — O KA WAIONA KO KAKOU ENEMI INO [ARTICLE]

O KA WAIONA KO KAKOU ENEMI INO

Iloko o keia manawa e pahola nei ke kaua maloko o Europa, o kekahi o aa ino loa i hoomaopopoia, i oi aku imua o na poka o na pukuniahi ame r.a topido, o ia no ka Moi Alekohola. Ua ike o Kelemania ia mea, o Palani, Enelani, Busia; a ua hookaakaa pono ia na maka o Amerika i keia la, o haoha'o ole iho ai kakou, no ka hoea mai i ka manawa a ke aupuni federala, e lawe ae ai i ua keehina wikani, no ke kaiehuia aku o ka Moi Alekoboli> mailuna aku 6 lta lepo o Amerika. I keia la. ua loaa ka ike i ke aupuni o Amerika, elike me ka ike 1 loaa aku i ta aupuni maloko o Europa, aia wale no a kaiehu mua ia aku ka waiona, maīwaena ae o ka oihana koa ame ka oihana kaua, pela wale no e hiki ai ke iu aku a paio imoa o na enemi me ka manaolana no ka lanakila. Ma na mea'e pili ana i ka ninau no na meaai iloko o keia wa kupilikn c ka aina, o ka waiona kekahi enemi ino loa a kakou e paio aku ai, e pono ai e hooneleia ka lahui me ka waiona, mamua o ka nele ana i ka ai; e konoia ai kela ame keia kanaka, ua oi kela aku kona lako ana ame kona ohana i ka »i ame na mea e ae e oluoln ai ka noho ana, mamua o kona hoomaunauna wale ana i kana mau dala, no ka waiona, ka inea nana e hoopilikia i kona noonoo, . * hoolilo iaia i mea kumakaia iaia iho, a i kona mau ano maikai iloko ona. Ta oleloia o ka enemi imua o ke alo, he oi aku ia o ke iuo, mamua o ka enemi M kaM e aku, nolaila e pepehi i ka mea imua o ke alo mamua, a mahope aka e noonoo ai-i na pilikia maiwaho mai!