Ka Nupepa Kuokoa, Volume LV, Number 22, 1 June 1917 — HE PALAPALA HOOMAIKAI [ARTICLE]

HE PALAPALA HOOMAIKAI

Ke haawi aku nei au, ka wahine kane make, ame ka ohana apau loa i ka makou hoomaikai i na hoaloha, ame na makamaka apau loa, o kuu kane aloha, no ko oukou komo' ana mai e auamo pu me makou i ko makou manawa o ke kaumaha, ame ka luuluu, no ka makou mea aloha i .haalele mai i keia ola ana, o ia hoi o Mike Keliimakawela Kawaihae, a pela pu hoi me na hoaloha apau o kuu kane, e hana ana makai 0 ka uwapo; a pela pu hoi me ka oukou mau mea i kokua mai ai i ka ohana, 1 ka wa e waiho ana ke kino wailua o kuu kane aloha ma kahi o Williams; a pela pu hoi me na lala o ka Hui Uniona, i komo pu mai me makou ka ohana, e .auamo pu ai iloko o ke kaumaha ame ka luuluu, no ko lakou hoa paahana i haalele mai i keia ola ana.

Nolaila, e oluolu e lawe aku i ka makou hoomaikai, e pahola aku nei imua pakahi o oukou a pau loa no na makana pua a oukou i hoohiwahiwa iho ai maluna o ke kino wailua o kuu kane aloha, a pela pu hoi me ko oukou komo pu ana mai me makou, ma ka huakai hope ]oa o kuu kane aloha a hoomoe aku la ma ka home mau o na mea apau. Nolaila, e hoomaikaiia ka inoa o ka Mākua kiekie loa ma ka lani, oiai Nana no i haawi mai, a Nana no i lawe aku la. Owau iho no me ka haahaa iloko o ke kaumaha ame ka luuluu. MRS. MOLLIE KAWAIHAE. AME KA OHANA A PAU LOA. HAVANA, Mei 28—Na kekahi mau poka pa-hu o ke pa-hu ana ae i keia la maloko o ke kino o ka mokuahi Amerika Laekawana i hoeha i kekahi mau kanaka ekolu. He hana hoohalua keia na na Kelemania oia ka manao hoohuoi o ka oihana makai.